У Мінску затрымалі прафсаюзнага лідара Сяргея Антусевіча. Аб гэтым паведаміў Telegram-канал «Право имеют» са спасылкай на блізкіх мужчыны.
19 красавіка прайшлі зачысткі і ператрусы ў офісах і ў прадстаўнікоў незалежных прафсаюзаў Беларусі. Быў затрыманы і гродзенец Сяргей Антусевіч.
Сяргей Антусевіч — былы працаўнік «Гродна Азот». Каля дзесяці год кіраваў незалежным прафсаюзам на прадпрыемстве. Ён жыў у Мінску і быў віцэ-старшынёй Беларускага кангрэса дэмакратычных прафсаюзаў.
«Наша Ніва» паведаміла, што Антусевіч уначы тэлефанаваў жонцы. Ён знаходзіцца ў СІЗА КГБ.
