Самая знакамітая бабуля Беластока зламала сцягно. Прапануюць пісаць паштоўкі, каб у яе была матывацыя падняцца і пайсці па іх на пошту.
Выява бабулі Яўгеніі ёсць на адным са знакавых муралаў Беластока. Спадарыня Яўгенія трапіла ў бальніцу. 92-гадовая жанчына зламала сцягно. Магчыма, яна ўжо не зможа самастойна хадзіць. Аднак усіх ахвотных просяць напісаць бабулі паштоўку, каб у яе з’явілася матывацыя ўстаць на ногі і пайсці па паштоўкі на пошту.
Бабулю Яўгенію можна назваць самай знакамітай бабуляй Беластока. Мурал з яе тварам быў на адной са шматпавярховак у цэнтры горада. Ён называўся «Адпраў бабулі паштоўку». Мурал з’явіўся ў 2019 годзе ў рамках прасоўвання фестывалю электроннай музыкі Up To Date Festival. Крэатыўны дырэктар фестывалю Цэзар Хвіцэўскі казаў, што фрэска створаная, каб праз мастацтва ў публічнай прасторы гаварыць аб надзвычай важных адносінах з блізкімі.
У сакавіку 2022 года пачаўся рамонт будынка, на якім знаходзіўся мурал. Чыноўнікі запэўніваюць, што мурал з бабуляй Яўгеніяй вернуць.
Чытайце таксама
«Пошли открытку бабушке» — один из главных муралов в Белостоке — исчез со стены многоэтажки в центре города. Идет ремонт...
Чытаць далей
Беларусы наверняка уже давно не обращают внимания на супрематические композиции в исполнении коммунальных служб на стенах своих городов. Поэтому польские...
Чытаць далей
