У Еўрапарламенце сцяну на польска-беларускай мяжы назвалі «агароджай ганьбы» і крытыкавалі польскія ўлады за яе будаўніцтва. Аб гэтым паведамляе выданне Politico.
21 красавіка частка ліберальных, левых і зялёных еўрадэпутатаў асудзіла Польшчу за будаўніцтва сцяны ўздоўж польска-беларуская мяжы. Такім чынам, мяркуюць дэпутаты, яна пераразае натуральнае асяроддзе Белавежскай пушчы.
Падчас дэбатаў у камітэце Еўрапарламента па навакольным асяроддзі дэпутат Еўрапарламента ад сацыялістаў і дэмакратаў Сезар Люэна ахарактарызаваў польскую сцяну як «агароджу ганьбы», якая «цалкам несумяшчальная» з законамі ЕС аб прыродзе, і заклікаў Камісію забяспечыць яе «неадкладны» дэмантаж.
Польская апазіцыйная еўрадэпутатка Ружа Тун папярэдзіла аб доўгатэрміновай шкодзе навакольнаму асяроддзю і абвінаваціла Брусель за непрыняцце мер супраць Польшчы, назваўшы сітуацыю «поўнай катастрофай». Юта Паўлюс з зялёных таксама паставіла пад сумнеў «дзіўнае маўчанне» камісіі.
Некалькі правых дэпутатаў Еўрапарламента выступілі на абарону Камісіі, назваўшы падыход выканаўчай улады ЕС «разумным».
