У Беластоку пройдзе велікодны сняданак з удзелам 500 украінскіх бежанцаў, перадае Wyborcza.
24 красавіка ў беластоцкай школе №6 арганізуюць велікодны сняданак для ўкраінскіх бежанцаў з нагоды святкавання праваслаўнага Вялікадня. У ім прымуць удзел праваслаўныя і каталіцкія святары.
Велікодны сняданак арганізоўваюць мясцовыя ўлады разам з Фондам сям’і Чарнецкіх. Акрамя традыцыйнай велікоднай трапезы, дзеці ўкраінскіх бежанцаў атрымаюць падарункі.
Сняданак зладзяць з мэтай падтрымаць людзей, якія збеглі ад вайны.