Пяцёра жыхароў Падляшша падалі ў суд на Польшчу. Яны хочуць афіцыйнага прызнання адказнасці польскай дзяржавы за шкоду клімату. Гэта першы падобны працэс у Польшчы, паведамляе Wyborcza.
11 мая ў судзе ў Ломжы прайшло першае пасяджэнне. Заяўнікі не патрабуюць кампенсацыі, а хочуць прызнання адказнасці Польшчы за шкоду клімату, а таксама каб урад абавязаўся ўвайсці на шлях скарачэння выкідаў CO2.
У позвах адзначаецца, што Польшча павінна дасягнуць кліматычнай нейтральнасці да 2043 года.
Суд вынесе пастанову на працягу тыдня.
