Клуб Beer&History, паводле стваральнікаў, будзе нефармальнай адкрытай пляцоўкай для ўсіх, хто цікавіцца гісторыяй. Сустрэчы будуць праходзіць ва ўжо вядомым беларусам беластоцкім бары Beer4U (Legionowa 14/16). Бліжэйшая — 22 чэрвеня а 19.00.
Увечары ў сераду ўдзельнікі змогуць убачыць прэм’еру дакументальнага фільма Руслана Кулевіча «Апошнія сведкі старога Гродна». Гэта гісторыі карэнных гродзенак, пададзеныя ад першай асобы, пра 1930-я, савецкае «вызваленне» у 39-м, нямецкую акупацыю і вымушаны ад’езд на Захад.
Гераіні фільму — тры жанчыны, якія сталі сведкамі бурлівых падзей ХХ стагоддзя і сёння жывуць у Беластоку, Шчытне і Лодзі. Свае ўспаміны яны падаюць па-польску, але ў фільме ёсць беларускія субцітры. На сустрэчы Руслан распавядзе, як шукаў сваіх гераінь, пакажа арыгінальныя фота старога Гродна, падзеліцца думкамі пра эміграцыю 1940-х і 2020-х.
У планах Руслана — здымкі другой часткі фільма. Гэтым разам з героямі стануць мужчыны. Сярод іх будзе апошні абаронца Гродна 1939-га года, які жыве ў Дамброве-Беластоцкай. Больш амбіцыйная задума на будучыню — аформіць адзнятыя мемуары ў папяровую кнігу.
Як пройдзе сустрэча
Пасля кароткай прэзентацыі клуба і прагляду фільму (45 хвілін) будзе абмеркаванне, пытанні/адказы, а ў руках можна будзе патрымаць сапраўдныя артэфакты са старога Гродна!
Ніякіх тайм-лімітаў няма: пасля сканчэння ўмоўна афіцыйнай часткі ніхто не замінае камунікаваць далей за куфлем піва.
Уваход вольны, аніякай рэгістрацыі не патрэбна.
Алкаголь піць зусім не абавязкова: у бары ёсць безалкагольнае піва, гарбата і кава.
Чытайце таксама
Што мясцовыя эмігранты маюць пад кодавай назвай «Беларускі бар»? Дзе гэтае месца і чаму яно адрознае ад іншых бараў? І...
Чытаць далейDetails
