Журналіст Філіп Гарцэр з чэшскага выдання Seznam Zprávy наведаў Беласточчыну і зрабіў рэпартаж пра нелегальных мігрантаў, які перасякаюць беларуска-польскую мяжу ва ўмовах жалезнай сцяны. Гэтую гісторыю расказвае Радыё Свабода.
Мясцовыя жыхары расказалі журналісту, што групы мігрантаў працягваюць пераходзіць мяжу нават пры пабудаванай жалезнай сцяне. Гэтую інфармацыю пацвердзілі і польскія памежнікі.
Польскі адвакат Каміль Сылер, што дапамагае нелегальным мігрантам, расказаў, што мігранты ходзяць групамі і спыняюцца на нейкі час ля сцяны. Некаторыя групы праводзяць у лесе па некалькі тыдняў. Сылер адзначыў, што мяжу пераходзяць больш паспяхова мігранты з Іраку, Сірыі, афрыканскіх краін, якія маюць сваякоў у краінах Еўрасаюза. Горш заўсёды атрымліваецца ў кубінцаў. Паводле адваката, кубінцы ходзяць вялікімі групамі і паводзяць сябе вельмі гучна, таму польскім памежнікам лёгка іх лавіць.
Жалезная сцяна на польска-беларускім памежжы не спыняе мігрантаў:
— Людзі ўжо капаюць пад плотам. Я бачыў фатаграфіі ў сябра, якія ён атрымаў ад уцекачоў. Не ведаю тэхнічныя параметры плоту, але ў яго павінны быць глыбокі падмурак. Па фотаздымках бачна, што падмуркі неглыбокі, сантыметраў на 70.
Чакаю, што сцяну знясуць трактарам. На знішчэнне адной часткі патрэбна некалькі хвілін. Беларускія сілавікі ўвесь час карыстаюцца мігрантамі, таму для іх не стаіць праблема знайсці трактар і знесці ўчастак сцяны, а потым яшчэ і прадаць польскую сталь, — кажа Сылер.
