Кіраўнік Народнага антыкрызіснага ўпраўлення Павел Латушка прыехаў у Беласток, дзе праводзіў перамовы з мясцовай уладай, і завітаў у рэдакцыю MOST.
Галоўны рэдактар MOST Руслан Кулевіч расказаў Паўлу Латушку пра стварэнне медыя, яго сутнасць і місію і працу для Гродна і Беластока.
У нефармальнай гутарцы абмеркавалі працу беларускіх журналістаў у выгнанні, палітычную сітуацыю ў Беларусі і шмат іншага. Прапанавалі Паўлу Латушку весці калонку на MOST, прапанова яго зацікавіла — будзем чакаць першы матэрыял. Трэба нагадаць, што кіраўнік НАУ некалькі гадоў жыў у Беластоку, калі быў консулам.
У Беластоку Павал Латушка таксама сустракаўся з прэзідэнтам горада Тадэвушам Трускаляскім і прадстаўнікамі беларускай дыяспары. З кіраўніцтвам Беластока кіраўнік НАУ абмяркоўваў адкрыццё ў горадзе цэнтра беларускай актыўнасці, а таксама змены назвы вуліцы Электрычнай, дзе знаходзіцца Генеральнае консульства Беларусі, на вуліцу Вольнай Беларусі.
