Саюз прадпрымальнікаў і працадаўцаў у Польшчы запусціў «Беларускі бізнес-цэнтр». Яго мэтай будзе дапамога беларускім бізнесам, якія хочуць пераехаць у Польшчу.
Чым дапаможа «Беларускі бізнес-цэнтр»
Праект «Беларускі бізнес-цэнтр» ад Саюза прадпрымальнікаў і працадаўцаў будзе даваць усёабдымную арганізацыйную, прававую і кансультацыйную дапамогу кампаніям з Беларусі, якія хочуць рэплікавацца ў Польшчы. Праект рэалізуецца пры падтрымцы PYXERA Global.
У Польшчы знаходзіцца вялікая беларуская дыяспара, таму супрацоўнікам кампаніі будзе камфортна працаваць, гаворыцца ў прэсс-рэлізе Саюза прадпрымальнікаў і працадаўцаў.
У бізнес-цэнтры кампаніі бясплатна змогуць:
- атрымаць кансультацыйную падтрымку па польскім рынку і бізнес-сродках: падатках, выдатках на офіс і рабочую сілу, прыцягненні капіталу і г.д.;
- атрымаць юрыдычныя кансультацыі на этапах адкрыцця і вядзення бізнесу, падтрымку ў кантактах з органамі ўлады;
- атрымаць ментарскую падтрымку ад польскіх экспертаў;
- удзельнічаць у шматлікіх семінарах, вэбінарах і трэнінгах па юрыдычных аспектах, маркетынгу, камунікацыям.
«Беларускі бізнес-цэнтр» мае ў Варшаве ўласны Open Space з абсталяванымі працоўнымі месцамі. Беларускія кампаніі могуць бясплатна выкарыстоўваць яго для пачатку сваёй дзейнасці ў Польшчы.
Дадатковую інфармацыю можна атрымаць у кансультанта праекта Дзмітрыя ў Telegram і WhatsApp (+48 507 466 921) альбо па электроннай пошце [email protected].
У Польшчы амаль чатыры тысячы беларускіх кампаній
За апошнія пяць месяцаў у Польшчы зарэгістравалі 473 кампаніі, у якіх адзін з заснавальнікаў быў фізічнай ці юрыдычнай асобай з Беларусі. Пра гэта расказаў «Радыё Свабода» кансультант «Беларускага бізнес-цэнтр» Дзмітрый.
Усяго ў Польшчы зарэгістраваны 3 709 кампаній з беларускім капіталам.
