Лічба замежнікаў, якія легальна працуюць у Польшчы, перавысіла мільён чалавек. А колькі з іх беларусаў? Пра гэта расказвае prawo.pl.
Грамадзяне Беларусі складаюць другую па колькасці групу замежнікаў, якая прыязджае на працу ў Польшчу. На першым месцы — украінцы. Украінцы займаюць значную долю рынку, легальна іх працуе больш за 700 тысяч чалавек.
У Польшчы легальна працуюць 87 тысяч беларусаў.
На трэцім месцы — грамадзяне Грузіі (28 тысяч чалавек).
У Польшчу на працу прыязджаюць людзі ў росквіце сіл — у дыяпазоне ад 25 да 49 гадоў, прычым большасць людзей, якія працуюць з замежным пашпартам, — ва ўзросце 30-39 гадоў. Сярод тых, хто прыязджае з-за мяжы, пераважаюць мужчыны — 60%.
