Беларуская дыяспара Беластока запрашае беларусаў на другі турыстычны злёт актывістаў беларускай дыяспары «БудзеНіка-2». Злёт пройдзе з 19 па 21 жніўня.
Дзе пройдзе злёт
«БудзеНіка-2» пройдзе на беразе возера Białe недалёка ад Аўгустова.
На месцы будзе пітная вада. Ёсць магчымасць паабедаць у кафэ, там жа ёсць і душ. Да бліжэйшай крамы — 7 кіламетраў.
Як далучыцца
Каб прыняць удзел у злёце, неабходна зарэгістравацца. Для гэтага ў прыватныя паведамленні ў тэлеграме t.me/salidarnasc дашліце наступную інфармацыю:
- Імя.
- З якога вы горада.
- Колькасць асобаў (дарослыя + дзеці).
- Колькасць намётаў.
- Колькасць машын і вольных месцаў, калі вы гатовыя кагосьці падвезці.
Колькі каштуе:
За ноч: 10 злотых за месца на кожную машыну, 10 злотых за месца на намёт, 8 злотых з асобы.
Напрыклад, калі вы — сям’я з трох чалавек і едзеце на машыне з намётам, то кошт за дзве ночы складзе 88 злотых
«Каб наладаваць нашы батарэйкі»
— Ладзім турзлёт, каб сустрэцца і адпачыць разам са сваімі аднадумцамі. Каб абмеркаваць разам палітычную сітуацыю ў Беларусі і тое, як кожны з нас можа дапамагчы ў працы дыяспары. Каб наладаваць нашы батарэйкі для працы на карысць Вольнай Беларусі, — распавёў MOST актывіст беларускй дыяспары Беластока Ян Абадоўскі.
