Зняволенаму журналісту і актывісту Саюза палякаў у Беларусі Анджэю Пачобуту выставілі абвінавачанне і ў «закліках да мер абмежавальнага характару (санкцый), накіраваных на прычыненне шкоды нацыянальнай бяспецы», павядамляе сайт Беларускай асацыяцыі журналістаў.
Новы артыкул будзе ісці ў дадатак да ранейшага — «распальвання варажнечы» (арт. 130 КК). За гэты артыкул Пачобуту пагражае ад 5 да 12 гадоў пазбаўлення волі.
Гродзенскі журналіст Анджэй Пачобут знаходзіцца за кратамі па так званай «польскай справе» з сакавіка 2021 года. Як вынікае з нядаўняга ліста палітвязня сваёй жонцы, ён пачаў знаёміцца з матэрыяламі сваёй справы. Гэта значыць, што неўзабаве справа будзе перададзеная ў суд.