Вуліцу Электрычну, на якой знаходзіцца беларускае консульства ў Беластоку, могуць перайменаваць ужо 26 верасня. Новай назвай стане вуліца Вольнай Беларусі. Размовы аб перайменаванні пачаліся яшчэ ў сакавіку 2022 года: прапанова паступіла ад прэзідэнта горада Тадэвуша Трускаляскага.
Частка вуліцы Электрычнай у Беластоку, на якой знаходзіцца консульства Беларусі, можа змяніць назву. Новую ўжо абралі — гэта вуліца Вольная Беларусь. Пра змену назвы вуліцы паведамляе Wyborcza.
— Перайменаванне часткі Электрычнай у вуліцу Вольнай Беларусі — гэта жэст падтрымкі і павагі беларусам, якія змагаюцца за свабоду. У турмах рэжыму Лукашэнкі знаходзяцца больш за 1300 палітычных зняволеных, у тым ліку актывіст Саюза палякаў у Беларусі Анджэй Пачобут, — падкрэсліваецца ў абгрунтаванні праекта.
Радныя Беластока будуць разглядаць праект на вераснёўскай сесіі 26 верасня.
У прапанове перайменаваць толькі частку вуліцы Электрычнай: ад Варшаўскай да вуліцы Браніцкага. Ад Браніцкага да Міцкевіча застанецца частка Электрычнай.
Змена назвы вуліцы прывядзе да змены адрасоў некалькіх будынкаў: там знаходзяцца тры шматкватэрных дома і адзін офісны будынак. Жыхароў павінны будуць вызваліць ад платы за выдачу новага пасведчання аб рэгістрацыі аўто або пасведчання кіроўцы на 12 месяцаў.
Чытайце таксама
Улады Беластока хочуць перайменаваць фрагмент вуліцы, дзе месціцца консульства Беларусі. Цяпер вуліца называецца Электрычнай, а па прапанове мясцовага ўраду яе...
Чытаць далейDetails
Прайшло больш за месяц з ініцыятывы перайменавання частак вуліцы, на якой знаходзіцца беларускае консульства ў Беластоку, у вуліцу Вольнай Украіны...
Чытаць далейDetails
