Чаму беларусы паверылі ў перамены ў 2020 годзе і як пачыналася беларуская рэвалюцыя? Што кажуць беларусы пасля пачатку вайны ў 2022-м і калі чакаць доўгачаканыя перамены? Пра гэта і многае іншае журналістам MOST расказаў былы дырэктар Інстытута сацыялогіі НАН Беларусі Генадзь Коршунаў.
Генадзь Коршунаў працаваў у Інстытуце сацыялогіі Нацыянальнай акадэміі навук Беларусі з 2009 года на розных пасадах. Дырэктарам Інстытута ён стаў 22 жніўня 2018 года, пакінуў пасаду ў верасні 2020-га.
У чэрвені 2020 года Коршунаў расказаў грамадскасці аб узроўні даверу грамадзян да органаў улады ў Беларусі. Гэтыя даследаванні праводзіў Інстытут сацыялогіі ў сакавіку-красавіку 2020-га. Згодна з дадзенымі, у Мінску сярод апытаных толькі 24% сказалі, што давяраюць прэзідэнту Беларусі, і толькі 11,1% — што давяраюць Цэнтрвыбаркаму. Узровень даверу да ЦВК на той момант аказаўся самым нізкім сярод дзяржворганаў. Паведамлялася, што ў апытанні прынялі ўдзел 395 жыхароў Мінска і каля 2110 чалавек па краіне ў цэлым.
Генадзь Коршунаў быў сярод тых навукоўцаў, якія асудзілі не толькі гвалт, але і фальсіфікацыі падчас прэзідэнцкіх выбараў у Беларусі. У 2021 годзе навуковец вымушаны быў з’ехаць з Беларусі. Спачатку ён жыў ва Украіне, а пасля з сям’ёй пераехаў у Польшчу. Зараз Коршунаў працуе старшым даследчыкам Цэнтра новых ідэй. Таксама ён вядзе тэлеграм-канал пра беларускую сацыялогію.
У інтэрв’ю MOST Коршуноў распавёў, чаму ў беларусаў змянілася стаўленне да ўлады яшчэ да выбараў 2020 года, да чаго прывёў гвалт пасля выбараў і да якіх гэта прывяло наступстваў. Акрамя гэтага, сацыёлаг закрануў тэму вайны ва Украіне і патлумачыў, чаму некаторыя беларусы падтрымліваюць Расію.
