На YouTube-канале «Рэпарцёры» 17 лістапада з’явіўся дакументальны фільм пра беларусаў Падляшша. Аўтар стужкі Аляксандр Валодзін распавёў пра ідэю стварэння фільма і ўнікальнасць этнічных беларусаў, якія жывуць у Польшчы.
Кожная маленькая вёска польскага Падляшша — гэта самабытны маленькі свет, дзе людзі дакладна ведаюць, хто яны, хто іх продкі і якое месца яны займаюць у гэтым свеце. Культура і ўнікальная мясцовая гаворка, старыя беларускія традыцыі і шматвяковая гісторыя, якую паслядоўна выразалі з народнай памяці, — гэтым людзям удалося захаваць сваю самабытнасць і не страціць яе нават у самыя страшныя часы. Дык хто ж такія сучасныя беларусы Беласточчыны? Свае ці чужыя?
— Для мяне гэта была дадатковая магчымасць вярнуцца дадому, не выязджаючы за межы Польшчы. Я думаю, многія з тых, хто вымушаны быў з’ехаць, забываюць пра яе ці проста не ведаюць. Таму раю скарыстацца і паглядзець на кавалачак нашага агульнага дома, без Лукашэнкі і палітычных рэпрэсаваных.
— Так, у гэтага кавалка зямлі таксама складаны лёс, але ён крыху іншы, як і беларусы, якія жывуць там. Хоць вонкава ўсё вельмі падобна. Дзякуй велізарнае Марыі Малевіч за магчымасць папрацаваць з прафесіяналамі, Сашы Марозу за выдатную аператарскую працу і Лене за тое, што выцягнула многае на мантажы, — распавёў на сваёй староны ў Facebook аўтар фільма Аляксандр Валодзін.
