«Радыё Свабода» расказвае гісторыю было чыноўніцы, якая каля 20 гадоў працавала ў дзяржаўным апараце, але яе звольнілі за палітычныя погляды. Цяпер жанчына пачынае новае жыццё ў Польшчы. Пераказваем гэты тэкст.
Як гвалт сілавікоў паўплываў на жыццё чыноўніцы
Галіна [імя змененае ў мэтах бяспекі — рэд. «Радыё Свабода»] працавала амаль дваццаць гадоў на дзяржаўнай службы. У 2021 годзе жанчыну звольнілі з-за палітычныя погляды. Галіна пераехала ў Польшчы, дзе пачынае новае жыццё. У яе — юрыдычная адукацыя. Яна займалася прававымі пытаннямі на дзяржаўнай службе.
Па словах жанчыны, яна ніколі не галасавала за Аляксандра Лукашэнку. Яна бачыла праблемы краіны ў большым маштабе, працуючы на дзяржаву. Галіна была нязгодная з тым, што адбываецца ў Беларусі, асабліва гэта стала прыкметна падчас 2020 года. Яна лічыць, што большасць чыноўнікаў на працы была таксама супраць Лукашэнкі: «У панядзелак пасля выбараў усе былі шакіраваныя менавіта гвалтам з боку міліцыі».
У 2020 годзе Галіна пачала хадзіць на маршы. Яна падкрэслівае, што не змагла застацца ўбаку і быць абыякавай. Галіну не затрымлівалі падчас пратэсных акцый, аднак яна была блізкая да гэтага: выратавалі людзі, якія хавалі Галіну і яе сяброў.
Звальненне, спісы КГБ, новае жыццё
У 2021 годзе яе выклікалі да начальства і паведамілі, што яна знаходзіцца ў спісах КГБ. Ёй казалі звольніцца па ўласным жаданні, аднак жанчына адмовілася. На працягу некалькіх месяцаў на яе ціснулі, давалі працу, якая не датычылася да яе асноўнай. Урэшце, Галіна звольнілася. Былыя калегі пазней паведамілі, што супрацоўнікі КГБ цікавіліся новай працай звольненых. Галіна заставалася ў Беларусі да лета 2022 года.
Пасля таго, як жанчына з’ехала з Беларусі ў Польшчу, яе пачала шукаць міліцыя.
У Польшчы Галіна працуе нянечкай, паралельна вучыцца па спецыяльнасці «тэхнік адміністрацыі». Гэта спецыяльнасць прадугледжвае працу чыноўніка. Аднак у Польшчы дзяржаўным служачым можа быць толькі грамадзянін Польшчы, Галіна можа працаваць у адміністрацыі толькі на дамове падраду.
Галіна кажа, што не шкадуе аб тым, што ўдзельнічала ў пратэстах. Яна кажа, што перамены ў Беларусі будуць абавязкова, «але гэта будзе не праз чалавечыя высілкі, хоць і гэта трэба, а звышнатуральным шляхам».
