Кіраўнік польскага МУС Марыюш Каміньскі заявіў, што польскі бок закрывае памежны пераход у Баброўніках ад 10 лютага.
— Я прыняў рашэнне прыпыніць рух на польска-беларускам памежным пераходзе ў Баброўніках ад 10 лютага з 12:00 у сувязі з важнымі інтарэсамі дзяржаўнай бяспекі, — напісаў Каміньскі ў сваім Twitter.
Z uwagi na ważny interes bezpieczeństwa państwa zdecydowałem o zawieszeniu do odwołania od 10 lutego br. od godz. 12:00 ruchu na polsko-białoruskim przejściu granicznym w Bobrownikach.
— Mariusz Kamiński (@Kaminski_M_) February 9, 2023
Нагадаем, памежны пераход у Кузніцы быў закрыты ад 9 лістапада 2021 года.
Марыюш Каміньскі таксама дадаў, што Польшча рыхтуе санкцыйны спіс асоб, звязаных з рэжымам Аляксандра Лукашэнкі, якія адказныя за рэпрэсіі палякоў у Беларусі, у тым ліку за прысуд Анджэя Пачобута.
Якія памежныя пераходы працуюць паміж Польшчай і Беларуссю
Паміж Польшчай і Беларуссю перад вострай фазай міграцыйнага крызісу працавалі шэсць пунктаў пропуску. Восенню 2021 года былі закрытыя пераходы «Брузгі-Кузніца», «Пяшчатка-Полаўцы». Таксама не працуе пераход «Дамачава-Славатычы».
Яшчэ працуюць памежныя пункты на польска-беларускай мяжы «Казловічы-Кукурыкі» (Брэсцкая вобласць), «Брэст-Тэрэспаль» (Брэсцкая вобласць).
Украинцы очень красиво ухаживают и щедры на букеты, зато беларусы — самые постоянные клиенты, вводит в курс дела Анна, владелица...
Чытаць далейDetails
