Зіма адступае і гэта значыць, што надышоў час для першых вясновых падарожжаў. Добрыя навіны для жыхароў Усходняй Польшчы — ехаць далёка не прыйдзецца. Падляшша ўмее ўражваць амаль самых спрактыкаваных падарожнікаў. Топ месцаў і як да іх дабрацца — чытайце ў новым артыкуле MOST.
Белавежская пушча
Белавежская пушча — найстаражытны запаведны лес. Можна прагуляцца па пешаходным мосце «рэбры зубра», бясконца здзіўляцца багаццю відаў флоры і фаўны, асабіста сустрэцца з каралём лесу, а ў вёсцы Белавежа (Białowieźa) схадзіць у музей Przyrodniczo-Leśne і смачна павячэраць у рэстаране «Царскі» на былым чыгуначным вакзале, пабудаваным у 1903 годзе.
Як дабрацца
- цягнік Warszawa-Hajnówka;
- аўтобус Białystok-Białowieża;
- цягнік Białystok-Hajnówka.
Гасцініца
Можна знайсці на любы густ і бюджэт: ад 90 злотых за ноч.
Былы кляштар камедулаў у Віграх
Сапраўдная машына часу для аматараў акунуцца ў мінулае. Манастыр з’явіўся ў Віграх у XVII стагоддзі. Манастыр збудаваны на высокім пагорку. Гадзінная вежа выкарыстоўваецца як назіральная пляцоўка. Пад’ём на яе платны, але ў дадзеную суму ўваходзіць наведванне крыпты з мошчамі пустэльнікаў, а таксама агляд былых апартаментаў прыязджаў у гэтыя краю нябожчыка Папы Рымскага Яна Паўла II.
Нацыянальны Вігерскі парк — выдатнае месца каб паплаваць на яхтах, лодках, байдарках, водных роварах. Але таксама падыдзе для прагулак і асалоды прыродай. Тут можна пакаштаваць лепшыя стравы польскай і літоўскай кухні.
Гасцініца
Для турыстаў ёсць звычайныя кемпінгі з характэрнымі для іх умовамі, пабудаваныя гасцявыя дамы, пансіёны. Але можна правесці незабыўную ноч у скіце, дзе калісьці жылі манахі. Бясспрэчна, гэта адно з самых атмасферных месцаў для начоўкі ў Польшчы.
Пейзажны парк Сувалкі
Уладальнік тытула «сёмы цуд Польшчы 2014» у апытанні National Geographic. Варыянт для тых, хто любіць актыўны адпачынак. Таксама азнаёміцца з гэтым казачным месцам можна на ровары, праз раку Чарна-Ханьча ёсць шмат масткоў. Унікальны ландшафт быў сфармаваны ледніком 10 тысяч гадоў таму.
Як дабрацца
- Аўтобус Suwałki-Białystok;
- Цягнік Suwałki-Białystok.
Гара Крыжоў Грабарка
Грабарка — святое месца праваслаўных жыхароў Падляшша. Паводле традыцыі, у гэтым месцы ў 1710 годзе хаваліся жыхары наваколляў падчас эпідэміі халеры ці чумы. Яны выкарыстоўвалі ваду з мясцовай крыніцы, якая была вельмі чыстай. Людзі зберагліся ад хваробы, а гэта месца стала шанавацца з тых часоў як цудадзейнае. Сюды стагоддзямі накіроўваліся паломнікі. Вядома, тут можна начэрпаць вады з святой крыніцы і проста пабыць сам-насам са сваімі думкамі.
Ранча Купала
Выдатны варыянт для адпачынку з дзецьмі. На ранча ёсць велізарная колькасць жывёл, якіх можна пакарміць і пагутарыць з імі. Лепш ехаць кампаніяй, на ранча ёсць некалькі начлегаў у выглядзе аграсядзібы. А для аматараў асаблівага камфорту ёсць люкс-апартаменты. Ранча функцыянуе круглы год.
