Ад партрэта Лукашэнкі, які не могуць прадаць больш за год, да бюстгалтара вядомага беларускага брэнду. У мінулым годзе мы рабілі падобную падборку беларускага: і некаторыя тавары так і засталіся не прададзенымі. MOST расказвае, што дзіўнага беларускага можна купіць на польскім OLX у гэтым годзе.
Міліцэйскія медалі, рытуал ад шаптухі, вялікі партрэт Лукашэнкі, банкноты да дэнамінацыі. MOST расказвае, што дзіўнага беларускага можна купіць на польскім...
Чытаць далейDetailsБюстгальтар
Прадаецца бюстгальтар беларускай фірмы Milavitsa 75F. Адзначаецца, што мадэль «вельмі зручная для вялікага бюста».
Цана: 50 злотых
Аўтамабільныя нумары
На продаж выставілі беларускія аўтамабільныя нумары. У аб’яве пішуць, што «дошкі выраблены з высакаякаснага алюмінія па цеплавой тэхналогіі», а таксама «выкананы арыгінальным беларускім шрыфтам».
Цана: 70 злотых за адну
Партрэт Лукашэнкі
Партрэт Аляксандра Лукашэнкі зноў можна знайсці на прасторах OLX. Прадаецца ён з рамкай ці без. Сцвярджаецца, што партрэт арыгінальны.
Цана: 99 злотых
Халва і зефір
Прадаюцца беларускія прысмакі:
- Халва сланечнікавая 250г — 10 злотых;
- Халва сланечнікавая са смакам фісташак 250г —10 злотых;
- Халва сланечнікавая ў шакаладзе 77г — 8 злотых;
- Зефір са смакам журавін 250г —10 злотых;
- Зефір са смакам ванілі 250г — 10 злотых.
Аўтар аб’явы піша: «Не саромейцеся купляць прысмакі вельмі добрыя».
Цікава, што ў «Еўраопце» такі зефір каштуе 2,68 рублёў, халва ў шакаладзе — 1,15 рублёў, а са смакам арахісу 250 г. — 1,91 рублёў.
Дзве капейкі
Актуальная аб’ява для Беластока: прадаюць манету наміналам у дзве капейкі. Аўтар аб’явы піша, што час ад часу можа абнаўляць цэны. «Цэны могуць змяняцца ўверх ці ўніз, калі вы глядзіце гэтую аб’яву». Магчыма дастаўка або самавываз.
Цана: 28 злотых
Значкі
Прадаюцца беларускія значкі для калекцыянераў: Групы вайскова-гістарычнай рэканструкцыі «Беларусы ў Войску Польскім» і NEXTA. «Новыя, не зношаныя, стан вельмі добры…».
Цана: 3 злотых
Тэлевізар Беларусь
«Прадам стары тэлевізар з радыё і прайгравальнікам у стане, бачным на фотаздымках», — піша аўтар аб’явы. Той, хто зацікавіцца, можа папрасіць больш фатаграфій.
Цана: 50 злотых
Запалкавыя этыкеткі
На OLX можна знайсці запалкавыя этыкеткі «Купляйце беларускі абутак» СССР 1960.
Цана: 10 злотых
100 беларускіх рублёў
Вельмі папулярныя аб’явы на OLX — продаж беларускіх купюр розных узораў і наміналаў. Напрыклад, можна купіць упакоўку 100 беларускіх рублёў 2011 года.
Цана: 150 злотых
Экскаватар
Прадаецца экскаватар «Беларусь»: «Выкарыстоўваецца ў прыватным парадку, каб расчышчаць снег зімой ці раўняць зямлю на ўчастку».
Цана: 12 500 злотых
