Шыльды з назвай вуліцы Вольнай Беларусі зніклі — на іх месца вярнулася старая назва вуліцы Электрычнай. Расказваем, што здарылася і ці будзе горад змагацца за вяртанне Вольнай Беларусі на вуліцу з беларускім консульствам.
Восенню 2021 года гарадскія ўлады Беластоку перайменавалі частку вуліцы Электрычнай — паміж Варшаўскай і Браніцкага — у вуліцу Вольнай Беларусі. Так адміністрацыя Беластока паказала салідарнасць з беларусамі, якія змагаюцца супраць рэжыму Лукашэнкі.
Перайменаванне часткі вуліцы Электрычнай у Беластоку, дзе месціцца беларускае консульства, у вуліцу Вольнай Беларусі прайшло з парушэннямі. Пра гэта паведамляе TVP3...
Чытаць далейDetailsАднак перайменаванне не спадабалася мясцовым жыхарам, якія тлумачылі цяжкасці афармленнем новых дакументаў. Ваявода Падляскага ваяводства не адмяніў рашэнне мясцовай адміністрацыі, таму мясцовыя жыхары звярнуліся ў суд. Суд палічыў, што пастанова гарадскіх улад была прынятая з памылкамі: не было апісана, чаму павінна была быць змененая назва, і не было абмяркоўвання з мясцовымі жыхарамі.
У сакавіку 2023 года суд пастанавіў, што трэба вярнуць старую назву — вуліца Электрычная.
Гарадскія ўлады заявілі, што яны, магчыма, будуць звяртацца ў суд вышэйшай інстанцыі. Аднак, як стала вядома Wyborcza, адміністрацыя Беластока не падала скаргу.
Цяпер замест вуліцы Вольнай Беларусі вярнулася старая назва вуліцы Электрычнай.
— Плануем, каб назва «Вольная Беларусь» была ў прасторы горада. Мы падрыхтуем новае рашэнне на тым ж месцы альбо зробім гэта ў іншым, — сказаў радны Лукаш Прокорым выданню Wyborcza.
Нагадаем, напрыканцы сакавіка 2023 года MOST размаўляў з прэзідэнтам Беластока Тадэвушам Трускаляскім наконт вуліцы Вольнай Беларусі. Тады прэзідэнт горада сказаў, што адміністрацыя разглядае некалькі варыянтаў адносна назвы.
— На жаль, скажу так, што такой вуліцы, якую б мы хацелі, не будзе, але плануем зрабіць як у Варшаве перад расійскай амбасадай, вылучыць невялікі сквер. Зробім плошчу свабоднай Беларусі. Тады да нас ніхто не прычэпіцца, бо гэта не будзе замінаць жыхарам. Лічу, што мы [кіраўніцтва горада — рэд. MOST] павінны вырашаць, пра тое, як назваць вуліцу, а не жыхары, — расказаў MOST Тадэвуш Трускаляскі.
