Беларуская мова становіцца ўсё больш папулярнай, прычым не толькі сярод дарослых, але і ў падлеткаў. Нямала айчынных ціктокераў, якім нават не споўнілася 19 гадоў, пераводзяць свой кантэнт на родную мову.
Расказваем пра некаторых пачынаючых блогераў, якія жывуць ў розных краінах, але расказваюць пра сябе і сваё жыццё па-беларуску.
«Я — Алівія, і мне чатырнаццаць»
Алівія — адна з самых маладых беларускіх ціктокераў. Яна жыве ў Гданьску, і расказвае па-беларуску пра сябе, асаблівасці польскай школы, свае хобі, белую сабачку і шмат чаго яшчэ. З кароткіх відэа таксама можна даведацца пра тое, як працуе дастаўка ў Польшчы, што такое сартаванне смецця, і як вучыць польскую мову.
Сям’я Алівіі пераехала ў Польшчу паўтары гады таму. У Беларусі дзяўчынка з пяці гадоў займалася музыкай, і працягвае гэта рабіць у Гданьску. Ацаніць яе вакальныя дадзеныя можна таксама ў TikTok.
@mehavita Клип на ютуб канале “Olivia Ka” ❤️ #рекомендации #рек #беларусь #песня #польша
Васямнаццацігадовая кветачка з Кітаю
Люба Чайко пачала весці беларускамоўны TikTok ў 2022 годзе, калі ёй было 17 год і яна яшчэ жыла ў Беларусі. Зараз дзяўчына расказвае пра сваё жыццё ў Кітае, дзе яна вучыцца ва ўніверсітэце.
Люба выкладвае відэа пра сябе, свой адпачынак, паступленне ў кітайскую ВНУ, знойдзены у пекінскай краме «Слодыч» і асаблівасці жыцця ў Кітаю.
@lyubachayko І такім чынам мы атрымліваем, шо да стэпендыі застаецца ўсё менш і менш грошаў🥲 #кітай #中国 #北京 #беларускітыкток #беларускіцікток #беларусь
Планы на лета: жыць, як гаварыў Уладзімір Караткевіч
Ілья Шынкарэнка — яшчэ адзін малады ціктокер, які выкладае кантэнт па-беларуску. І ў яго ўжо больш за 30 тысяч падпісчыкаў. Хлопец жыве і вучыцца ў Беларусі, што дадае яшчэ большай значнасці яго творчасці.
Ілья выкладае кароткія смешныя відэа, у якіх папулярызуе родную мову і літаратуру. Таксама хлопец сам піша вершы і спявае песні. У мінулым годзе выйшаў яго сінгл — «Нявесце Каліноўскага», а зусім нядаўна — трэк «Нібы сон».
@shynkarenka Падпісвайся на тэлеграм і размаўляй па-беларуску! #беларускіцікток #беларускаямова #рэкамендацыі
Беларускамоўны куток тык току
Яшчэ адзін беларускі TikTok з Беларусі. Яго вядзе 16-гадовая Каця з Ліды. Яна папулярызуе родную мову і расказвае пра свой вопыт пераходу на яе, не скаромячыся гаварыць пра памылкі.
На канале можна таксама пабачыць відэа пара літаратуру, гісторыю і любоў да радзімы.
@knaitrev затое гэта сапраўды стала падтрымкай,бо разумееш,што не адзіны такі)#mova #беларускамоўныцікток #белток #беларускаямова #беларускіярэкамендацыi #беларусь #беларускiтыкток
Беларускі вайб
Арына Колесава таксама жыве і вучыцца ў Беларусі, і вядзе TikTok па-беларуску. Тут відэа пра жыццё, адпачынак, вучобу і, канешне ж беларускую мову. Відэа пакуль няшмат, як падпісчыкаў, але ўсё наперадзе.
Таксама Арына спявае і піша вершы па-руску і беларуску.
@zznichkaa беларуская мова гэта крута! #беларускіцікток #рэкамендацыі #fyp #беларускаямова
Беларус Мікітачка
Малады хлопец с нікам Mikitachka вядзе чарговы беларускамоўны TikTok. На яго ўжо падпісалася амаль дзевяць тысяч чалавек. Аўтар выкладвае відэа пра вучобу, жыццёвыя сітуацыі, гісторыю і проста мемы.
@mikitachka пакрыўдзіўся ((0( #генрыхвалуа #рэкамендацыі #гісторыябеларусі #рэчпаспалітая #вялікаекняствалітоўскае
