Сквер Вольнай Беларусі з’явіцца ў Беластоку, бо адпаведнае рашэнне прынялі беластоцкія радныя. Расказваем падрабязнасці.
Радныя Беластока ўхвалілі прапанову прэзідэнту горада Тадэвуша Трускаляскага аб перайменаванні часткі вуліцы перад беларускім консульствам у сквер Вольнай Беларусі. «За» прагаласавалі 25 радных горада, супраць — ніхто.
— Наданне імя месцу «сквер Вольнай Беларусі» — гэта знак падтрымкі ініцыятывам і аб’яднаннем, якія дзейнічаюць на тэрыторыі Польшчы, і накіраваныя на абарону грамадскіх правоў у Беларусі, а таксама на падтрымку беларусаў у Польшчы. Выбар месца стаў сімвалічным, бо тут знаходзіцца консульства Беларусі. Гэта месца важнае для беларусаў, якія вымушаныя пакінуць сваю краіну па палітычных прычынах, тых, хто змагаецца з рэжымам Лукашэнкі. Ад жніўня 2020 года тут правялі больш 100 акцый пратэсту супраць дзеянняў дыктатара і яго ўрада, тут вісяць бела-чырвона-белыя банеры. Менавіта тут людзі знайшлі падтрымку і дапамогу суайчыннікаў пасля ўцёкаў з краіны, пабачылі салідарнасць жыхароў Беластока. Наданне назвы «сквер Вольнай Беларусі» — жэст салідарнасці з беларускім народам у барацьбе за свабоду, — гаворыцца ў пастанове.
Адпаведнае рашэнне апублікавана на сайце Рады горада.
Згодна з праектам рашэнне, перайменаванне будзе датычыцца толькі таго месца, дзе непасрэдна знаходзіцца беларускае консульства.
Такім чынам, мясцовым жыхарам будзе не трэба змяняць дакументы. Нагадаем, што гэта стала галоўнай прычынай пратэсту жыхароў, якія мусілі змяніць свае дакументы, бо па першым рашэнні перайменавалася увесь участак вуліцы Электрычнай побач з консульствам. Першае рашэнне адмяніў Ваяводскі адміністратыўны суд.
Прынятая пастанова набывае моц пасля 14 дзён пасля аб’явы ў Афіцыйным весніку Dzienniku Urzędowym Województwa
Podlaskiego.
Гарадскія ўлады Беластока вырышылі, што беларускае консульства будзе змяшчацца ў скверы Вольнай Беларусі. Раней мясцовыя жыхары выступілі з пратэстам і...
