У Беластоку ля беларускага консульства з’явілася шыльда з назвай «Сквер Вольнай Беларусі». Гісторыя з перайменаваннем цягнулася амаль цэлы год: спачатку планавалася перайменаваць вуліцу цалкам, але пасля пратэстаў мясцовых жыхароў спыніліся толькі на тэрыторыі ля консульства.
Сімвалічны жэст ад гарадскіх улад Беластока з перайменаваннем часткі вуліцы, дзе знаходзіцца беларускае консульства, увасобіўся ў шыльду з новай назвай. Цяпер беларускае консульства афіцыйна знаходзіцца ў скверы Вольнай Беларусі. Раней гэта была вуліца Электрычная.
Сквер Вольнай Беларусі — самы маленькі ў Беластоку. Ён займае плошчу ў дзясятак метраў перад беларускім консульствам. Першапачаткова дарадцы Беластока планавалі перайменаваць усю вуліцу. Аднак сутыкнуліся з пратэстам мясцовых жыхароў, якім давялося б мяняць дакументы ў выніку такога перайменавання.
Тут, перад беларускім консульствам, кожныя выхадныя збіраюцца беларусы, якія пратэстуюць супраць рэжыму Лукашэнкі і падтрымліваюць Украіну ў поўнамаштабнай вайне, што развязала Расія.
Беларускае МЗС падзякавала
Пасля перайменавання Міністэрства замежных спраў Беларусі падзякавала гарадскім уладам.
— Независимость, суверенитет, свобода — поистине визитные карточки нашей страны. Приятно, когда и соседи это осознают, — пракаментавала прэс-служба МЗС.
"Сквер Свободной Беларуси" появился сегодня в Белостоке ??
?? Независимость, суверенитет, свобода – поистине визитные карточки нашей страны 🙂 Приятно, когда и соседи это осознают ?
Спасибо, @WBialystok! pic.twitter.com/IMb4bJqkOd
— МИД Беларуси ?? (@BelarusMID) June 15, 2023
На гэта неадкладна адрэагавалі карыстальнікі беларускага сегменту Twitter, дзе быў апублікаваны каментарый МЗС:
- «Вельмі незалежна і суверэнна напісаў кішэнны МИД калабарантаў на расійскай мове. Беларусь і беларусаў вы не прадстаўляеце!».
- «Беларусь должна быть свободна от диктатуры».
- «Гэта гавораць рабы маскоўскай арды. Раб гаворыць аб свабодзе — гэта дзесьці нават смешна».
- «Смешна ім. Прадалі незалежнасць, прадалі суверэнітэт, знішчылі свабоду — і смяюцца. А да свабоднай Беларусі вы ніякага дачынення не маеце».
- «Уже переобулись что ли? А как же “наш бренд — диктатура”? Ну, хорошо хоть в Польше сквер появился. В лукашенковском Рейхе такое название было бы абсурдным».
- «Сквер свободной Беларуси возможен пока только не в Беларуси! Вы в 2020 променяли свободную Беларусь на жизнь на коленях! Как пособники режима вы совершаете преступление против человечности!».
