Гродзенская праўладная актывістка Вольга Бондарава паведамляе, што два гады змагалася за тое, каб на гарадскіх ваенных могілках, дзе знаходзяцца пахаванні салдат Войска Польскага зніклі памятныя надпісы на польскай мове. У сваіх сацсетках яна піша, што гэта ў рэшце адбылося. Гісторыю пераказвае Белсат.
У Гродне на гарадскіх вайсковых могілках, дзе знаходзяцца пахаванні салдат з двух сусветных войнаў, з магіл Войска Польскага зніклі памятныя надпісы. Праўладная актывістка Вольга Бондарава піша, што вельмі задаволеная з гэтага. Яна паведамляе, што «змагалася» з гэтымі надпісамі 2 гады.
На вайсковых могілках у Гродні пахаваныя салдаты рускай і нямецкай армій, якія загінулі ў Першую сусветную вайну, там таксама знаходзяцца пахаванні салдат Войска Польскага, якія загінулі падчас савецка-польскай вайны. Тут быў усталяваны помнік рэпрэсаваным польскім афіцэрам з памятнай таблічкай, якая пра гэта абвяшчала.
Апаганьванне і знос польскіх помнікаў у апошнія гады ў Беларусі адбыліся ў некалькіх месцах, нават пры ўдзеле мясцовых уладаў.
