У Магілёве суд вынес прысуд Аляксандру Кулікову, якога затрымалі адразу пасля вяртання з-за мяжы, паведамляе праваабарончы цэнтр «Вясна». Мужчыну абвінавацілі ў абразе Лукашэнкі (ч.2 арт. 368 КК) і паклёпе на яго (ч. 2 арт. 367 КК). Раней яму нібыта абяцалі не пазбаўляць волі.
Падставай для крымінальнай справы сталі каментары ў адным з чатаў, прызнаных сілавікамі экстрэмісцкімі матэрыяламі ў траўні 2021 года.
Але перад гэтым, 6 красавіка, на Кулікова склалі адміністрацыйны пратакол па арт.19.11 КаАП (Выраб, распаўсюд і (альбо) захаванне экстрэмісцкіх матэрыялаў) і прысудзілі адміністрацыйны арышт.
У паведамленні прывоздяцца словы крыніц, якія сцвярджаюсь, што Аляксандру, які ў той момант быў у Польшчы, патэлефанавала састарэлая маці. Яна паведаміла, што ёй тэлефанаваў следчы і пагражаў вышукам сына. Было абяцана, што калі Кулікоў вернецца, то яму будзе абраная мера пакарання, не звязаная з пазбаўленнем волі.
Праз нейкі час Кулікоў вырашыў вярнуцца ў Беларусь і быў затрыманы. На сувязь ён перастаў выходзіць падчас перасячэння мяжы.
