22 верасня адзначаецца Еўрапейскі дзень без аўтамабіля. У гэты дзень жыхары многіх польскіх гарадоў змогуць ездзіць у грамадскім транспарце бясплатна.
У Кракаве і Вроцлаве бясплатным будзе ўвесь грамадскі транспарт, у Шчэціне — аўтобусы і трамваі, а ў Варшаве бясплатны праезд будзе распаўсюджвацца на гарадскі транспарт і на цягнікі (СКМ, Koleje Mazowieckie і Warszawska Kolej Dojazdow). У Беластоку ўсе пасажыры змогуць бясплатна карыстацца аўтобусамі.
У некаторых гарадах (Гданьск) для бясплатнага праезду трэба будзе прад’явіць гарадскую карту. У іншых (у Познані, Лодзі) транспартам можна будзе карыстацца бясплатна пры прад’яўленні дакумента аб рэгістрацыі аўтамабіля.
