Польска-беларуская мяжа ахоўваецца найлепш ва ўсёй шэнгенскай зоне. Такую думку выказаў намеснік міністра ўнутраных спраў і адміністрацыі Польшчы Мацей Вонсік у эфіры Польскага радыё.
Ён падкрэсліў, што цяпер «балканскі шлях» падвяргаецца найбольшаму ціску нелегальнай міграцыі, у той час як у Польшчы значна паменшала колькасць спробаў перасячэння мяжы.
«Велізарная праблема ў Харватыі, вялікая праблема ў венграў — гэта з-за агрэсіўнасці мігрантаў з суседніх краін. А адтуль ідуць праз Славакію, Чэхію і Аўстрыю. Таму Польшча ўвяла часовы кантроль на мяжы са Славакіяй», — сказаў намеснік кіраўніка МУС.
«Колькасць спробаў перасячэння польска-беларускай мяжы за адзін тыдзень цяпер складае каля 200. Гэта сапраўды мала. На сербска-венгерскай мяжы іх каля чатырох тысяч», – адзначыў Мацей Вонсік.
Зніжэнне колькасці мігрантаў з беларускага боку Вонсік звязаў з тым, што на мяжы пабудаваны плот, ёсць электронны брандмаўэр, датчыкі руху і камеры, але перш за ўсё працуюць афіцэры. Парадак на польска-беларускай мяжы забяспечваюць 11 тысяч чалавек.
Нагадаем, Польшча на 10 дзён увяла памежны кантроль са Славакіяй з-за надзвычай павялічанага патоку мігрантаў, але ёсць вялікая верагоднасць, што такі рэжым будзе працягнуты.
Польша вводит пограничный контроль со Словакией из-за потока мигрантов по балканскому пути
