Беларускую журналістку Юлію Цяльпук збіла машына ў Польшчы, паведамілі ў БАЖ. ДТЗ адбылося некалькі дзён таму ў Гданьску.
Пасля аварыі і аперацыі яе чакае доўгая рэабілітацыя, для яе распачалі збор сродкаў на рэабілітацыю і нечаканыя выдаткі.
Юлія Цяльпук скончыла журфак БДУ. Да 2002 года працавала ў перыядычным друку, потым – у рэкламе, рабіла календары, каталогі і ўлёткі для прадпрыемстваў і фірмаў, лагатыпы і банэры. Паралельна вучылася фатаграфіі. У канцы зімы 2008 года пераехала ў Варшаву. У Польшчы стала працаваць на тэлеканале «Белсат» і працуе там дагэтуль.