У перадапошні дзень 2023 года два беларусы ў складзе клуба «Тыхы» сталі ўладальнікамі Кубка Польшчы па хакеі.
У фінале Кубка Польшчы па хакеі, які праходзіў у горадзе Крыніца-Здруй, «Тыхы» перайграў клуб «Ястшэмбе» — 3:2 (ав).
У камандзе пераможцаў беларускі нападнік Віктар Туркін нічым не адзначыўся ў пратаколе матчу. Усяго ў Кубку ў яго дзве гульні, 3 ачкі (3+0).
Трэнерам па працы з брамнікамі ў «Тыхах» з’яўляецца беларускі спецыяліст Ян Шэлепнёў.
Да кастрычніка 2023 года «Тыхы» ўзначальваў трэнер з Беларусі Андрэй Сідарэнка. Але кантракт з беларусам быў скасаваны па ўзаемнай згодзе бакоў. Сідарэнка ўзначаліў клуб у снежні 2021 года. У 2022 годзе ён прывёў каманду да срэбных медалёў. Таксама пад яго кіраўніцтвам клуб выйграў Кубак Польшчы.
