Аўтарытэтны польскі гістарычны часопіс Mówią wieki прысвяціў спецвыпуск паўстанню Кастуся Каліноўскага на беларускіх землях. Ён выдадзены адразу на дзвюх мовах — польскай і беларускай.
Редактарам з беларускага боку выступіў гісторык, прафесар Інстытута славістыкі Польскай акадэміі навук Аляксандр Смалянчук.
У часопісе паўстанне 1863-1864 гадоў называецца студзеньскім — гэтая назва прынятая ў Польшчы.
Часопіс ужо выпускаў нумар па-беларуску. У 2014 годзе спецвыпуск быў прысвечаны Бітве пад Оршай, якая адбылася ў 1514 годзе. Тады прэзентацыі часопіса адбыліся і ў Беларусі.
Mówią wieki («Гавораць стагоддзі») — польскі навукова-папулярны штомесячны часопіс, які выдаецца ў Варшаве з 1958 года. Выданне фінансуецца Міністэрствам культуры і нацыянальнай спадчыны Польшчы.
