Расія можа выкарыстаць Беларусь для нападу на ЕС, лічыць кіраўнік НАУ Павел Латушка. Такое меркаванне ён выказаў у эфіры радыё RMF24.
«Лукашэнка два дні таму дэ-факта сказаў, што рыхтуецца да вайны, — пракаментаваў Латушка нядаўнюю нараду па бяспецы. — У апошнія два гады ён вельмі шмат інвестуе ў армію. Я чакаў бы, што Беларусь будзе выкарыстаная Пуціным для атакі. Гэта не абавязкова будзе мяжа з Украінай, але можа быць з Літвой. Да гэтага трэба падрыхтавацца».
Пры гэтым кіраўнік НАУ падкрэсліў, што не верыць, што Лукашэнка здольны атакаваць Польшчу.
«Хоць ён некалькі дзён таму сказаў, што польскія і амерыканскія спецслужбы арганізуюць правакацыі ў Польшчы. Фактычна ён пасылае некаторыя сігналы. Гэта ўжо не проста словы. Большасць экспертаў згодныя, што Лукашэнка дае моцны сігнал, што падчас апошняй размовы з Пуціным, калі яны размаўлялі 8 гадзін, яны пра нешта дамовіліся. Канешне, мы не ведаем пра што, таму што гэта была размова сам-насам, але выглядае гэта не вельмі добра», — сказаў ён.
Таксама Латушка бачыць ролю Крамля ў міграцыйным крызісе.
— Лукашэнка — марыянетка Пуціна. Ён будзе рабіць тое, што скажа Пуцін. Будзе чакаць загаду. Ён не зможа самастойна пакласці канец міграцыйнаму крызісу, калі гэтага не зробіць Пуцін.
Лукашенко предупредил, что в Польше готовятся провокации с участием польской и американской разведок
Не забудзь падпісацца на MOST у Тэлеграм. Мы галоўнае медыя беларусаў у Польшчы.
