20 траўня ў Польшчы выпускнікі здаюць моўны экзамен (matura) на паглыбленым узроўні. 32 школьнікі выбралі здаваць беларускую як мову нацыянальнай меншасці. Для параўнання: 60 чалавек здаюць украінскую, 28 — літоўскую, чацвёра — чэшскую. 55,3 тыс. выпускнікоў пішуць экзамен па польскай.
На базавым узроўні ў Польшчы трэба здаць абавязкова тры выпускныя экзамены: польскую і замежную мовы і матэматыку. Выпускнікі школ або класаў з мовай нацыянальнай меншасці павінны дадаткова здаць гэтую мову як мінімум на базавым узроўні. Але могуць выбраць і паглыблены.
У Польшчы на паглыбленым узроўні выпускнікі здаюць як мінімум адзін любы прадмет па выбары (ад гэтага абавязку пры выкананні шэрагу ўмоў могуць быць вызваленыя выпускнікі тэхнікумаў і спецыяльных школ). Часцей за ўсё ў гэтым годзе на паглыбленым узроўні выбіраюць англійскую мову, матэматыку, геаграфію і польскую мову.
Не забудзь падпісацца на MOST у Тэлеграм. Мы галоўнае медыя беларусаў у Польшчы.
