На сцэне Тэатральнага інстытута Варшавы паказалі дакументальны спектакль «Прыпынак Еўропа» (Stopover Europe) беларускай рэжысёркі Валянціны Мароз. У аснове сюжэта — гісторыі беларусаў і ўкраінцаў, якія маюць асабісты досвед эміграцыі і ўцёкаў ад вайны.
Праект створаны ў 2023 годзе Сацыяльнай тэатральнай лабараторыяй у супрацоўніцтве з чэшскімі прадзюсарамі. У Варшаве яго паказалі 4 і 5 верасня 2024 года. «Прыпынак Еўропа» паказвае «глыбокія змены, якія перажываюць асобныя людзі падчас бурных падзей на прыкладзе становішча беларусаў і ўкраінцаў». Для беларусаў гэта былі падзеі пасля жніўня 2020 года, для ўкраінцаў — пасля лютага 2022 года. Пастаноўка паказвае таксама, як змяняюцца адносіны паміж украінцамі і беларусамі.
Спектакль ідзе на беларускай, украінскай і рускай мовах з польскімі і англійскімі субтытрамі.
Не забудзь падпісацца на MOST у Тэлеграм. Мы галоўнае медыя беларусаў у Польшчы.
