Замежнікі, якія прыязджаюць у Польшчу, адзначаюць вялікую любоў палякаў да забаваў. Маўляў, мясцовыя любяць шмат і гучна тусавацца. Але ці гэта праўда? І ці справядлівы жарт, што ў Польшчы не бывае забаваў без алкаголю? MOST спытаў пра гэта мінакоў на вуліцах Беластока.
— Заўсёды да раніцы [забаўляемся].
— Што гэта за забава? Як бы вы патлумачылі гэта іншаземцу, які сюды прыехаў?
— Шмат музыкі, алкаголю і шмат весялосці.
— І заўсёды шмат людзей.
— Хаджэнне ў клубы і распіванне алкаголю асабліва распаўсюджана сярод палякаў.
— Я ніколі не каштавала алкаголь, і я таксама выдатна праводжу час з сябрамі на хатніх вечарынках.
***
— Алкаголь — гэта хутчэй стэрэатып ці гэта праўда?
— Гэта залежыць. Я думаю, што гэта ў прыватнасці стэрэатып, але таксама многім людзям патрэбны алкаголь, каб расслабіцца і адчуваць сябе добра на вечарыне.
«Мы не першая тусовачная нацыя ў Еўропе»
— Як забаўляюцца палякі? Калі б вам трэба было гэта растлумачыць?
— Яны п’юць. У асноўным. Моладзь асабліва.
— Дык куды паляк ідзе вечарам у пятніцу?
— У клуб.
— Чаму ён менавіта так бавіць час?
— Бо іншых забаваў няма.
***
— Як госць у гэтай краіне, вы заўважылі, што палякі шмат п’юць?
— Так. Але калі гаворка ідзе пра старэйшыя пакаленні, напрыклад людзей за 30, то зусім не. Яны больш часу праводзяць разам. Яны проста кудысьці едуць, размаўляюць і навучаюцца разам.
***
— Алкаголь, безумоўна, дадае весялосці. Але, напэўна, мы не першая «тусовачная» нацыя ў Еўропе, я так думаю. Але мы нацыя, якая любіць застоллі, і гэта вось так спалучаецца.
— А дзе тады ў Еўропе людзі добра вяселяцца, калі не ў Польшчы?
— На Балканах, яны вельмі адкрытыя да забавы, і там дастаткова аднаго гуку музыкі, каб пачалася забава. У нас неабавязкова. У нас спачатку адзін кілішак, а потым можна пераходзіць да забаваў.
***
— Куды ходзяць палякі ў пятніцу? У галерэю?
— Усе ідуць у музей скульптуры Альфонса Карнага! Усе! У пабы ходзяць радзей, а ходзяць у такія культурныя ўстановы.
***
— А якія канцэрты? Класічнай музыкі?
—Дакладна не. Хутчэй поп-музыкі. Апошнім часам у нас тут было шмат канцэртаў, напрыклад Łąki Łan і таму падобнае. Здаецца, была нават Агнешка Хыліньска. Гэта былі летнія канцэрты жывой музыкі.
За размовы пра палітыку можна атрымаць па галаве
— Ці ёсць нешта, чаго не варта рабіць, калі забаўляешся з палякамі, за што можна атрымаць па галаве?
— Не ведаю, напэўна, калі вы пачняце гаварыць пра палітыку.
— Так што палякі, калі вяселяцца, не гавораць пра палітыку?
— Размаўляць, але потым гэта можа па-рознаму скончыцца.
***
— Проста радасць, прыязнасць да людзей, якія прыязджаюць і наведваюць нашу краіну.
— А можа, не варта нешта рабіць, калі з палякамі бавішся? Можна за нешта атрымаць па галаве?
— Не, я так не думаю. Напэўна, ёсць некаторыя групы, якія адчуваюць непрыязнасць да іншых народаў, але ў цэлым я так не лічу.
***
— Дык куды ідуць паляк і полька ў пятніцу вечарам?
— Гэта залежыць ад таго, каго вы спытаеце. Ці ў яго ёсць сям’я ці ён адзін? Малодшы ці старэйшы? Маладыя, напэўна, ідуць у асноўным у горад, калі жывыя канцэрты, дзе ёсць адкрытыя пляцоўкі, або па дыскатэках звычайна.
«Спяваюць, танцуюць, п’юць, ядуць. Усяго патроху»
— Я з іншай краіны.
— Дык пані можна гэта назіраць як замежніца. Што такое забава па-польску?
— Я так думаю, танцавальныя вечарыны, прынамсі ў гэтым рэгіёне, папулярныя. Што яшчэ? Ровар? Таксама забава, а не толькі спорт.
— А куды палякі ходзяць вечарам пятніцы? Бо існуе стэрэатып, што палякі шмат п’юць. Гэта праўда ці не?
— Гэты стэрэатып пра славян увогуле. Можа, гэта і праўда, калі паназіраць, але ў кожнай краіне цяпер п’юць. У французаў падобныя звычаі. Іспанцы таксама п’юць. Паўсюль, куды я езджу, п’юць, хаця можа не так шмат.
***
— Але ў цэлым яны любяць шпацыраваць, прынамсі раней так было.
***
— Любоў выпіць — гэта стэрэатып ці праўда?
— Стэрэатып. Такая група ёсць заўсёды, у кожным грамадстве, а астатнія не, патрошку. Аднак для нас усё ўжо ў мінулым. На імпрэзы нас нікуды не клічуць, таму што мы не п’ём і адразу робімся падазронымі.
— Але ўвогуле палякі ўжо на такім узроўні, што ведаюць, што так піць — гэта не крута. Але халодненькае піўко ў пабе, на летняй пляцоўцы, гэта вельмі вітаецца.
***
— Лепш за ўсё палякі забаўляюцца на вяселлі. Польскім.
***
— Спяваюць, танцуюць, п’юць, ядуць.
— А чаго больш?
— Усяго патроху.
Не забудзь падпісацца на MOST у Тэлеграм. Мы галоўнае медыя беларусаў у Польшчы.
