Польскі National Geographic прадставіў спіс лепшых месцаў для падарожжаў у 2025 годзе. У яго ўвайшлі 25 месцаў па ўсім свеце і пяць у Польшчы.
Спіс узначальваюць астравы Хайда-Гуай — архіпелаг каля паўночна-заходняга ўзбярэжжа канадскай правінцыі Брытанская Калумбія. Далей ідзе веласіпедны маршрут «Еўрапейская Амазонка», які праходзіць уздоўж рэк Мура, Драва і Дунай. На трэцім радку — Нацыянальны лес Акала ў Фларыдзе.
Адным з месцаў, рэкамендаваных для наведвання ў Польшчы, стала Супрасль. Гэта горад пад Беластокам, недалёка ад мяжы з Беларуссю, размешчаны ў сэрцы Кнышынскай пушчы. Тут знаходзяцца Благавешчанскі манастыр і музей ікон.
Акрамя таго, National Geographic рэкамендуе атрымаць асалоду ад веласіпеднага маршруту Velo Baltica, наведаць Айцоўскі нацыянальны парк на поўдні Польшчы, фестываль Gwarki Tarnogórskie і Паланіну Царыньску — адно з самых прыгожых месцаў у Бяшчадскім нацыянальным парку.
Не забудзь падпісацца на MOST у Тэлеграм. Мы галоўнае медыя беларусаў у Польшчы.
