На інтэрнэт-пляцоўцы папулярнай польскай сеткі кнігарняў Empik з’явіліся ў продажы беларускія выданні. Цяпер там даступныя кнігі выдавецтваў «Янушкевіч», Gutenberg і «Пляфбаум».
Як паведаміла выдавецтва «Янушкевіч», прапанова супрацоўніцтва паступіла ад самога Empik — бо людзі шукалі там беларускія кнігі. Пляцоўка прапанавала беларускім выдаўцам спрыяльныя ўмовы, знізіўшы камісію з 30% да 15%.
Цяпер на Empik.com ёсць у продажы 69 назваў кніг. Сярод іх выданні беларускіх аўтараў: Алеся Белага, Альгерда Бахарэвіча, Евы Вежнавец, Сашы Філіпенкі, Камілы Цень, а таксама пераклады Габрыэля Гарсіі Маркеса, Сяргія Жадана, Вольгі Такарчук, Джоан Роулінг, Эрыха Марыі Рэмарка.
Кнігі можна замовіць толькі праз інтэрнэт-пляцоўку Empik, на паліцах сеткі іх няма.
Вы можаце абмеркаваць гэты матэрыял у нашым Telegram-канале. Калі вы не ў Беларусі, пераходзьце і падпісвайцеся.
