У Варшаве пройдзе інфармацыйная сустрэча пра сацыяльную падтрымку і пенсіі для беларусаў у Польшчы. Пра дамоўленасць пра мерапрыемства паведаміў Аб’яднаны пераходны кабінет (АПК).
Мерапрыемства пройдзе 28 лістапада ва Установе сацыяльнага страхавання (ZUS) раёна Praga-Północ (вул. 11 Listopada, 15A, Варшава, пакой 300, 3-ці паверх). Дакладны час будзе абвешчаны пазней.
Спецыялісты ZUS прадставяць прэзентацыю і адкажуць на пытанні ўдзельнікаў. Яны могуць датычыцца выплат пенсій, сацыяльнай дапамогі для дзяцей, людзей з інваліднасцю, сацыяльнай абароны іншых уразлівых груп беларускіх грамадзян у Польшчы. Будзе забяспечаны пераклад.
У сустрэчы могуць прыняць удзел усе жадаючыя. Яна будзе запісана на відэа, якое будзе размешчана на сацыяльных рэсурсах Паўла Латушкі, НАУ і АПК. Але здымка будзе весціся з улікам патрабаванняў бяспекі, твары гасцей і іх галасы не будуць выкладацца ў адкрыты доступ.
Арганізатары прапануюць загадзя задаць свае пытанні праз чат-бот НАУ — @nau_by_bot.
Вы можете обсудить этот материал в нашем Telegram-канале. Если вы не в Беларуси, переходите и подписывайтесь.
