Сайт Беларускай інтэрнэт-бібліятэкі Kamunikat.org падвергся хакерскай атацы. Пра гэта паведаміў заснавальнік бібліятэкі Яраслаў Іванюк.
«Трэба прызнаць, што атака знішчыла больш чым 25-гадовую працу многіх людзей, але мы не здаёмся», — напісаў ён.
Ён паабяцаў адбудаваць архіў, хоць гэта можа заняць шмат часу.
«Ва ўмовах узмацнення рэпрэсій супраць беларускай культуры і мовы, Kamunikat.org быў не толькі бібліятэкай, але і інструментам абароны культурнай спадчыны, якая знаходзіцца пад пагрозай, а таксама платформай, якая падтрымлівае свабодны доступ да ведаў і незалежнай творчасці. Хакерская атака чарговы раз пацвердзіла, што Камунікат — гэта важны культурніцкі праект, які як соль у воку для спецслужбаў рэжыму Лукашэнкі», — напісаў Іванюк.
Вы можаце абмеркаваць гэты матэрыял у нашым Telegram-канале. Калі вы не ў Беларусі, пераходзьце і падпісвайцеся.
