9 жніўня, у шостую гадавіну прэзідэнцкіх выбараў-2020, Палац культуры і навукі ў Варшаве будзе падсвечаны бел-чырвона-белым. Згоду на ілюмінацыю фасада даў прэзідэнт горада Рафал Тшаскоўскі, паведаміў Аб’яднаны пераходны кабінет (АПК).
«Дзякуючы такой увазе мы адчуваем, што тэма вольнай Беларусі застаецца важнай для Польшчы і Варшавы», — пракаментаваў рашэнне намеснік кіраўніцы АПК Павел Латушка, выказаўшы ўдзячнасць Тшаскоўскаму і жыхарам польскай сталіцы.
Падсветка будзе ўключана з 18:00 да 24:00.
«Мы глыбока цэнім тую падтрымку, якую Польшча аказвае беларускаму народу на працягу гэтых шасці гадоў — найбольш цяжкіх і цёмных старонак у гісторыі незалежнай Беларусі. У часы, калі беларусы штодня сутыкаюцца з беспрэцэдэнтнымі рэпрэсіямі, маштаб якіх не змяншаецца, Польшча і польскі народ паказалі, што значыць быць сапраўдным суседам. Вельмі спадзяюся, што Польшча і надалей будзе заставацца нашым надзейным саюзнікам на шляху да пабудовы вольнай і дэмакратычнай Беларусі», — адзначыў Латушка.
Вы можаце абмеркаваць гэты матэрыял у нашым Telegram-канале. Калі вы не ў Беларусі, пераходзьце і падпісвайцеся.
