Намесніца старшыні гродзенскай «Белай Русі» і прыхільніца Лукашэнкі Святлана Вараніца працягвае расказваць, як у 2020 годзе грамадства нібыта адстаяла свой выбар.
Святлана Вараніца падзялілася сваім уражаннем ад форума, які праходзіў 9 жніўня ў Мінску. Форум быў сабраны пралукашэнкаўскімі сіламі ў другую гадавіну сфальсіфікаваных прэзідэнцкіх выбараў. Па словах Вараніцы, беларускі народ падтрымлівае выбар Лукашэнкі ў якасці прэзідэнта Беларусі.
Таксама чыноўніца расказала, чаму так званы форум сабраўся ў Нацыянальным акадэмічным тэатры імя Янкі Купалы. Нагадаем, што яго ў 2020 годзе ўзначальваў Павел Латушка, а пасля сфальсіфікаваных выбараў і гвалту сілавікоў над пратэстоўцамі адтуль сышлі амаль усе артысты.
— Ён быў абраны няпроста. Яго калектыву было вельмі складана — цкавання, хэйт… Усе ведаюць, што ў гады вайны бчб-сцяг быў вывешаны над гэтым будынкам, і вось цяпер на ім зноў вывесілі бел-чырвона-белы сцяг. Тое, як вытрымала гэта трупа тэатра, тыя, хто застаўся верны свайму гонару, сваёй справе, патрыятычным пачуццям, і як яны цяпер адрадзіліся, — дорага каштуе.
