Былы вайсковы афіцэр, заснавальнік «Белага легіёна» Сяргей Бульба у другой частцы інтэрв’ю MOST распавядае, чаму не атрымаўся ваенны пераварот у Беларусі, што не так было з пратэстамі ў 2020 годзе і чаму для яго Ціханоўская не лідар. Таксама ён закрануў тэму Украіны і беларускіх фарміраванняў.
Сяргей Бульба лічыцца стваральнікам першых беларускіх ваенна-патрыятычных арганізацый. Ён быў адным з заснавальнікаў Беларускага Згуртавання Вайскоўцаў (БЗВ) на пачатку 1990-х гадоў. У той час Бульба выконваў абавязкі адказнага і прэсавага сакратара. У сярэдзіне 90-х заняўся фармаваннем моладзевай структуры БЗВ. Ва ўсіх рэгіёнах Беларусі на базе БЗВ былі створаныя структуры ДРАБаў (Дружыны Рэгіянальнай Аховы і Бяспекі). На базе «Чорных драбаў» у 1996 годзе ўзнік «Белы легіён». Сяргей Бульба ўзначаліў патрыятычную арганізацыю, мэтай якой была абарона незалежнасці Беларусі праз пагрозу з-за падпісання саюзных пагадненняў з Расіяй. «Белы легіён» фактычна спыніў існаванне ў 2000-х.
Восенню 1996 годзе Бульба быў вывезены прадстаўнікамі невядомых спецслужбаў Беларусі ў лес каля Слуцка, перажыў клінічную смерць і тры тыдні правёў у лякарні.
У інтэрв’ю Сяргей Бульба закрануў тэму пачатку 90-х гадоў у Беларусі: як вярталі на радзіму беларускіх афіцэраў, як аб’ядноўваліся і прысягалі на вернасць роднай краіне. Пасля атрымання незалежнасці галоўнай мэтай беларускіх вайсковых афіцэраў, і ў будучыні «Белага легіёна», стаяла — не дапусціць адраджэння Савецкага Саюза.
Першая частка інтэрв'ю
«Мы рыхтаваліся да перавароту». Сяргей Бульба — пра тое, чаму не атрымалася ў 90-х скінуць Лукашэнку
Заснавальнік «Белага легіёна», былы вайсковы афіцэр Сяргей Бульба распавёў журналістам MOST пра перыяд у гісторыі Беларусі, калі быў шанец скінуць...
Чытаць далейDetails
