Прэзідэнт Беластока Тадэвуш Трускаляскі расказаў MOST, чаму ў Беластоку не будзе вуліцы Вольнай Беларусі і што горад плануе зрабіць наўзамен.
Жыхары вуліцы Электрычнай у Беластоку скардзіліся, што аб рашэнні перайменаваць вуліцу ў іх не запыталіся мясцовыя ўлады. Рашэнне гарадскіх уладаў па перайменаванню вуліцы абскардзіла адна з мясцовых жыхарак. Таксама больш за 60 жыхароў з дамоў, якія стаяць на вуліцы, падпісалі пратэст да гарадскіх уладаў. 16 сакавіка Ваяводскі суд прызнаў рашэнне гарадскіх уладаў аб перайменаванні вуліцы ў назву Вольнай Беларусі, дзе месціцца беларускае консульства, несапраўдным.
Перайменаванне часткі вуліцы Электрычнай у Беластоку, дзе месціцца беларускае консульства, у вуліцу Вольнай Беларусі прайшло з парушэннямі. Пра гэта паведамляе TVP3...
Чытаць далейDetailsПасля суда і некалькіх кансультацый, кіраўніцтва горада знайшло рашэнне з вуліцай Электрычнай і Вольнай Беларусі ў Беластоку.
— На жаль, скажу так, што такой вуліцы, якую б мы хацелі, не будзе, але плануем зрабіць як у Варшаве перад расійскай амбасадай, вылучыць невялікі сквер. Зробім плошчу свабоднай Беларусі. Тады да нас ніхто не прычэпіцца, бо гэта не будзе замінаць жыхарам. Лічу, што мы [кіраўніцтва горада — рэд. MOST] павінны вырашаць, пра тое, як назваць вуліцу, а не жыхары, — расказаў MOST Тадэвуш Трускаляскі.
Тое што назва Вольнай Беларусі застанецца каля генконсульства Беларусі ў Беластоку, гэта добры знак для мясцовых беларусаў, кажа прадстаўнік беларускай дыяспары Беластока Ян Абадоўскі.
— Мы дзякуем гарадскім уладам за салідарнасць і падтрымку, якую яны выказваюць беларусам. Ці гэта будзе вуліца, ці сквер, ці плошча — для нас самае важнае, што ўсё гэта будзе адбывацца насупраць генеральнага консульства Беларусі, дзе пануе рэжым Лукашэнкі. Гэта і так будзе звязана з Вольнай Беларуссю, бо сюды прыходзяць беларусы пратэставаць супраць Лукашэнкі, — сказаў Ян Абадоўскі.
