Пасля пачатку вайны ва Украіне з паліц беларускіх крам не проста пачалі знікаць некаторыя пазіцыі тавараў, а пачалі сыходзіць цэлыя брэнды. Акрамя гэтага, назіраўся значны рост коштаў як на прадукты харчавання, так і на бытавую хімію, сродкі асабістай гігіены, касметыку і парфумерыю. MOST вырашыў спраўдзіць, як абстаяць справы ў Беларусі на сённяшні дзень і параўнаць кошты на сродкі кантрацэпцыі, лубрыканты, пракладкі і тампоны з коштамі ў польскіх крамах.
Прэзерватывы і лубрыканты
У анлайн-крамах Востраў чысціні і Міла MOSТ знайшоў агулам шэсць брэндаў прэзерватываў: Contex, Durex, Reflex, Sico, Indigo, InTime. Кожны з гэтых брэндаў налічвае да чатырох відаў. Напрыклад, ад брэнда Sico да пакупкі даступныя класічныя прэзерватывы, контурныя, рабрыстыя і з кропкавым рэфленнем. А брэнд Contex даступны толькі ў двух варыянтах: класічныя і асоба тонкія.
Польская крама Rossman (аналаг беларускіх Вострава чысціні і Мілы) прапаноўвае пакупнікам чатыры брэнды, такіх, як Durex, Skyn, Unimil, Preventivo, але адзін толькі Durex прадстаўлены ў шаснаццаць варыянтах.
Пры параўнанні высветлілася, што ў беларускіх анлайн-крамах і польскай сетцы бытавой хіміі, сродкаў гігіены, касметыкі і парфумерыі можна набыць толькі адзін аналагічны тавар – прэзерватывы Durex № 3 Classic у колькасці трох штук. Таму MOST вырашыў не абмяжоўваць сябе асартыментам Вострава чысціні і Мілы, а арыентавацца на асартымент і іншых беларускіх анлайн-крам.
Самыя танныя прэзерватывы ў польскай краме Rossman — польскія прэзерватывы Preventivo. Кошт за ўпакоўку колькасцю трох штукі складае 3 руб. 49 кап.
У Беларусі самыя танныя прэзерватывы — прэзерватывы ад брэнда InTime. Краіна-вытворнік — Тайланд. За ўпакоўку з трох штук пакупнікі заплацяць 2 руб. 29 кап. з улікам часовай зніжкі, кошт без зніжцы складае 4 руб. 59 кап.
Упакоўка прэзерватываў (тры штукі) Durex № 3 Classic у Беларусі каштуе 9 руб. 85 кап., у Польшчы — амаль у палову таней: 5 руб. 10 кап. За вялікую ўпакоўку з дванаццаці штук у Беларусі пакупнікі заплацяць 29 руб. 99 кап., у Польшчы — 19 руб. 59 кап.
Кошт упакоўкі ўльтратонкіх прэзерватываў Durex Invisible cа зніжкай у Беларусі – 12 руб. 05 кап., у Польшчы кошт без зніжкі — 9 руб. 79 кап.
Акрамя гэтага, польская крама Rossman прапаноўвае пакупнікам упакоўкі з колькасцю прэзерватываў ад трох да сарака штук, у той час, як у беларускіх анлайн-крамах Востраў чысціні, Міла і Еўраопт максімальная колькасць прэзерватываў у адной упакоўцы – васямнаццаць штук.
Гель-лубрыкант Durex Massage Lube аб’ёмам 200 мл. у беларускім Еўраопце каштуе 34 руб. 99 кап., у польскім Rosman амаль у палову танней: 20 руб. 99 кап.
Кошты на гелі-лубрыканты Durex аб’ёмам 50 мл. у Беларусі вар’іруюцца ад 20 руб. 09 кап. да 29 руб. 44 кап. у залежнасці ад віда, у Польшчы — ад 11 руб. 19 кап. да 20 руб. 29 кап.
Самы танны лубрыкант сярод беларускіх анлайн-крам — смазка Eska аб’ёмам 75 мл. — 17 руб. 99 кап., у польскай краме Rossman — лубрыкант Preventivo абъёмам 100 мл. — 7 руб. 69 кап.
Пракладкі і тампоны
Самыя танныя гігіенічныя пракладкі сярод беларускіх анлайн-крам — кітайскія пракладкі Clean life — 1 руб. 36 кап. за десяць штук. У польскай краме Rossman самыя танныя пракладкі — польскія Bella Nova Maxi па кошце са зніжкай 1 руб. 81 кап. за ўпакоўку з аналагічнай колькасцю, кошт пракладак без зніжкі — 2 руб. 09 кап.
Венгерскія пракладкі Naturella Ultra у Беларусі каштуюць 4 руб. 30 кап., у Польшчы — 4 руб. 19 кап. Кошт пазначаны за ўпакоўкі па дзесяць штук. Адзінае адрозненне паміж імі — дызайн упакоўкі.
Упакоўка начных пракладак Always Ultra Night колькасцю дзесяць штук і аб’ёмам чатыры кроплі ў Беларусі каштуюць 13 руб. 79 кап. У польскай краме Rossman гэтыя пракладкі прадстаўленыя ў колькасці дзесяці і дванаццаці штук. Кошт без зніжцы — 8 руб. 04 кап. Адрозненне паміж гэтымі пракладкамі ў беларускай і польскай краме ў аб’ёме (колькасці кропель).
Кошт вялікай упакоўкі штодзённых пракладак Naturella Light у беларускім анлайн-магазіне — 11 руб. 74 кап., у польскай краме — 6 руб. 99 кап.
Самыя танныя штодзённыя пракладкі ў Беларусі — пракладкі Maggi, кошт якіх складае 2 руб. 22 кап. за дваццаць штук, у Польшчы — 4 руб. 40 кап. за ўпакоўку пракладак Facelle на дваццаць восем штук.
У Беларусі пераважна прадстаўленыя такія брэнды тампонаў, як Maggi, Ola, Kotex Tampax, Freedom, у Польшчы — O.b., Facelle, Ginger, Your Kaya.
Самыя танныя тампоны ў беларускай краме — тампоны Maggi па кошце 2 руб. 85 кап. за восем штук, у польскай — тампоны Facelle 3 руб. 98 кап. за шаснаццаць штук.
Тампоны Tampax Pearl Compak у Беларусі каштуюць 19 руб. 45 кап., у Польшчы — 11 руб. 89 кап.
Як мы лічылі
Канвертацыя польскага злотага ў беларускі рубель ажыццяўлялася па курсу 0,7. Гэта курс канвертацыі пры аплаце беларускай карткай Mastercard у беларускіх рублях. Акрамя гэтага MOST арыентаваўся на курс канвертацыі ў калькулятары Mastercard.
Курс канвертацыі іншых плацёжных сістэм можа адрознівацца. А таксама курс можа вар’іравацца ў залежнасці ад камісіі, якую здымае банк.
