«Мы вернёмся» — гэта відэапраект ад MOST Media. Ён быў пачаты ў маі 2021 года з мэтай расказаць гісторыі беларускіх палітвязняў і тых беларусаў, якія вымушаныя былі бегчы з Беларусі праз палітычны пераслед. За два гады каманда запісала больш за 100 розных гісторый.
У неядзелю, 21 мая, беларусы Польшчы правялі акцыі салідарнасці з нагоды Дня палітвязня ў Беларусі і памяці актывіста Вітольда Ашурка....
Чытаць далейЗ нагоды Дня палітвязня, які адзначаўся 21 мая, прапануем вам некалькі цікавых гісторый ад MOST:
Алег Кулеша — былы палітвязень з Пружанаў. Быў пакараны да 19 месяцаў калоніі паводле «справы карагодаў» у Брэсце. Адбываў тэрмін у брэсцкай турме і бабруйскай калоніі. Мужчына расказаў пра сваё жыццё ў калоніі, дзе быў адзіным, хто размаўляў на беларускай мове. Таксама ён расказаў пра важнасць асвятлення тэмы палітвязняў і дзеянняў беларусаў у 2020 годзе і пасля.
Валянцін Лабачоў — былы палітвязень, ён адседзеў амаль паўтара года за абразу Лукашэнкі. У лютым 2023 года Валянцін цалкам адбыў прызначанае судом пакаранне і праз два месяцы з’ехаў у Польшчу. У размове з MOST мужчына расказаў пра сітуацыю з палітвязнямі ў Наваполацкай калоніі, пра рабскую працу і што магло адбыцца Віктарам Бабарыкам.
Вольга Паўлава — былая палітзняволеная. Пачынаючы са жніўня 2020 года яе неаднаразова затрымлівалі, была заведзеная крымінальная справа. Вольга перажыла катаванні на Акрэсціна і турму ў Жодзіне. У 2021 годзе беларуска атрымала тры гады «хатняй хіміі» і вымушана была бегчы ў Літву, дзе падала пазоў супраць Лукашэнкі.
Марыя Калоша — былая палітзняволеная, якая ў 2021 годзе прайшла турмы на Валадарскага і Акрэсціна. Яна сядзела з жонкай Зэльцэра Марыяй Успенскай і распавяла MOST у якім стане была жанчына, калі яе прывялі ў камеру пасля допыту ў КДБ. Марыя Калоша ўпершыню адкрыта расказала гэтую гісторыю.
У пачатку 2023 года беларуску Інгу Рэйдольф асудзілі на 2,5 года хатняй «хіміі» за пратэсты пасля прэзідэнцкіх выбараў у Беларусі. Да суда дзяўчына правяла тры месяцы ў зняволенні, прайшла турму на Акрэсціна і Валадарскага. Мірыцца з прысудам Інга не стала і збегла з Беларусі. Сваю гісторыю яна расказала MOST.
Беларуса Уладзіміра Фурмана судзілі двойчы за адну і тую ж фатаграфію – ён выйшаў на акцыю пратэсту ў цэнтры Мінска і стаяў у счэпцы. Мужчыну затрымлівалі ў 2020 і 2022 гадах. Пасля трох месяцаў у турме Уладзіміра асудзілі на тры гады «хіміі». Ён збег з Беларусі і падзяліўся сваёй гісторыяй.
Яўген Чарвінскі быў адным з першых беларусаў, якіх асудзілі за пратэсты 2020 года. Яму далі два гады і тры месяцы за супраціў супрацоўнікам АМАПу, ён выйшаў на волю ў пачатку студзеня 2023 года. Пасля вызвалення хлопец прабыў у Беларусі ўсяго 12 дзён і з’ехаў у Польшчу. Там ён папрасіў прытулку. Апынуўшыся ў лагеры для ўцекачоў, беларус расказаў, што яму давялося перажыць у зняволенні.
Таццяна Астроўская — былая палітзняволеная з Беларусі, правяла ў зняволенні 301 дзень. Пасля нечаканага вызвалення вырашыла бегчы з краіны — яе шлях ляжаў праз Нёман. Жанчына пераплыла раку і здалася літоўскім памежнікам.
Вадзім Хіжнякоў быў асуджаны на 2,5 гады пазбаўлення волі. У турме Вадзім сядзеў з Вітольдам Ашуркам, а ў калоніі з Віктарам Бабарыкам. Мы запісалі гісторыю мужчыны.
