Міністр замежных спраў Беларусі Уладзімір Макей пракаментаваў крымінальныя справы Анджэя Пачобута і Анжалікі Борыс, перадае reform.by.
16 лютага на прэс-канферэнцыі беларускага МЗС Уладзімір Макей пракаментаваў крымінальную справу ў дачыненні да Анджэя Пачобута і Анжалікі Борыс. Польскія журналісты пацікавіліся ў Макея станам затрыманых. Міністр заявіў, што Пабочут і Борыс адказалі, што іх здароўю нічога не пагражае.
Макей нагадаў, што паміж Беларуссю і Польшчай існавалі дамоўленасці па лініі спецслужбаў аб лёсе грамадзян, звязаных з Саюзам палякоў. Трое з затрыманых былі вызваленыя.
— У такім жа паступальным рэчышчы вырашаўся і лёс астатніх асоб. На жаль, польскі бок вырашыў выкарыстоўваць гэта ў якасці інфармацыйнай нагоды і шырока разрэкламаваў вызваленне іншых асоб у СМІ, паспрабаваў выкарыстаць гэта ў сваіх нейкіх ідэалагічных мэтах. Два чалавекі застаюцца ў Беларусі ў сувязі з парушэннем адпаведных нормаў беларускага заканадаўства. Іх лёс будзе вырашацца ва ўстаноўленым парадку, — сказаў Макей.
