Прайшло больш за месяц з ініцыятывы перайменавання частак вуліцы, на якой знаходзіцца беларускае консульства ў Беластоку, у вуліцу Вольнай Украіны і вуліцу Вольнай Беларусі. А што гэтай ініцыятывай цяпер?
У сакавіку 2022 года прэзідэнт Беластока Тадэвуш Трускаляскі прапанаваў перайменаваць вуліцу Электрычну, на якой знаходзіцца беларускае консульства, у вуліцу Вольнай Украіны.
Пазней кіраўнік Нацыянальнага антыкрызіснага ўпраўлення Павел Латушка звярнуўся да Трускаляскага з пытаннем, чаму ў Беластоку няма вуліцу Вольнай Беларусі. Трускаляскі сказаў, што не паўстане вялікай праблемы зрабіць і гэтую назву. Прэзідэнт Беластока адзначыў, што частку вуліцы Электрычнай ад Варшаўскай да Браніцкага можна назваць у гонар Вольнай Беларусі, а ад Браніцкага да Міцкевіча — у гонар Вольнай Украіны.
Wyborcza высветліла, што падчас двух пасяджэнняў гарадской Рады, дзе праймаюцца рашэнні аб перайменаванні, пытанне не падымалася.
— Сітуацыю, звязаную са змяненнем назвы вуліцы Электрычнай, у цяперашні час аналізуе гарадская адміністрацыя, каб знайсці рашэнне, што задаволіць усе зацікаўленыя бакі, — падкрэслівае прэс-служба горада.
