Жаночы хор SPIEVY, які аб’ядноўвае эмігрантак з Беларусі і Украіны, трапіў у паўфінал папулярнага польскага тэлевізійнага конкурсу Mam Talent! («Маю талент!»). Суддзі высока ацанілі выступ — і беларускі атрымалі чатыры «так».
SPIEVY выконваюць традыцыйныя песні. Для шоу яны выбралі калядную песню, якую спявалі шматгалоссем а капэла.
— Тры гады таму мы зразумелі, што нам патрэбна штосьці ад нашай зямлі, на якую мы не можам вярнуцца. <…> Патрабавалі нечага з нашага ДНК. І знайшлі падтрымку ў саміх сабе і ў спевах, — патлумачыла суддзям Паліна Дабравольская, якая выступае пад псеўданімам Chornabrova.
— Мне падабаецца, — ацаніла выступ польская спявачка, суддзя конкурсу Агнешка Хыліньска.
Посмотреть эту публикацию в Instagram
Хор SPIEVY ўзнік у Варшаве вясной 2023 года. У 2024 годзе яго ўдзельніцы трапілі на старонкі польскага Vogue.
Вы можаце абмеркаваць гэты матэрыял у нашым Telegram-канале. Калі вы не ў Беларусі, пераходзьце і падпісвайцеся.
