У 2020 годзе ў Беларусі выбухнуў хіт «Шчучыншчына». У сённяшнім выпуску праекта «Таршэр» мы расказваем пра самыя любімыя творы мастацтва Алены Зуй-Вайцяхоўскай, якой мы падпявалі «Шчучыншчыну» і ў галаве, і без ніякага сораму проста ўголас.
Таршэр — гэта прастора, дзе пад утульным святлом лямпы — тыя творы, ад якіх дыханне перахапіла, розум узляцеў на новую вышыню, а іх адбітак назаўсёды застаўся ў сэрцы. Мы запрашаем герояў саміх напісаць пра такія рэчы і пра тое, чаму абралі менавіта іх. У гэтым выпуску мы расказваем пра творы, якія абрала актрыса і спявачка Алена Зуй-Вайцяхоўская, якую вы маглі б памятаць і па псеўданіме Алена ЖалудOK.
1. Сітком Friends, Дэвід Крэйн і Марта Кауфман
Мая сяброўка Таццяна Кушнер аднойчы сказала: «Я ўключаю Friends на любым моманце — і нібы апынаюся дома. Сярод сваіх. Яны ўсе мае, родныя». Дык вось, я цяпер адчуваю тое самае. Добры, цёплы, кранальны серыял. Пра тое, што ты не адзін. Пра безумоўнае прыняцце і падтрымку. Вельмі тэрапеўтычны.
2. Песня Your Song, Элтан Джон
Для мяне натуральна мука вылучыць якую-небудзь песню з дзясяткаў улюбёных. Бо музыка для мяне — гэта калі не ўсё, то амаль усё. Здаецца, што свет без музыкі — гэта што чалавек без душы. Сэр Элтан — адзін з выканаўцаў, якіх бязмерна паважаю і люблю. Мама ўсё маё дзяцінства слухала кружэлкі. І за знаёмства з ягонымі песнямі ўдзячная менавіта маме.
3. Фільм Аs Good As It Gets, Джэймс Брукс
Я вельмі люблю кіно. Люблю, між іншым, Брукса як творцу. Менавіта ў гэтым фільме падкупляе пазітыўны пасыл, цудоўная акцёрская ігра, пачуццё гумару, ну і, вядома, гісторыя пра асаблівага чалавека. Наогул маю слабасць да гісторый пра людзей «не такіх, як усе».
4. Карціна «Заход солнца на море», Іван Айвазоўскі, 1866 год
Калі падыходжу да карцін Айвазоўскага, часам пераймае дыханне. Яны настолькі рэалістычныя, што, здаецца, ад іх вее марскім ветрам. Здаецца, вочы мне кажуць: «Дзякуй, даражэнькая! Дзякуй, што паклапацілася пра нас».
5. Мультфільм «Осенние корабли», Юры Бутырын і Віктар Купрэвіч
Мультфільм-медытацыя. Для ўсіх, каму не хапае мора побач і ўнутры. Музыка Купрэвіча неверагодна шчымлівая і прыгожая.
Лічу, што гэты мультфільм геніяльна агучаны. А Клара Румянава — актрыса з вялікім, непаўторным талентам. Я вырасла на музычных казках, у запісу якіх яна прымала ўдзел, і я захапляюся яе працай.
6. Цыкл кніг «Хронікі Нарніі», Клайв Стэйлз Льюіс
Гэта адны з першых кніг, якія прачытала ў жыцці. І якія моцна ўразілі сваім светам, поўным прыгод, сяброўства і вечнай барацьбы дабрыні і зла.
Таму вельмі цёпла стаўлюся да іх герояў. На мой погляд, экранізацыі пакуль што прайграюць той Нарніі, якую ствараў аўтар. Чакаю, калі хто-небудзь экранізуе «Пляменнік Чарадзея», бо, здаецца, яна самая чароўная.
7. Спектакль La Symphonie du Hanneton, Джэймс Цьяррэ
Спектакль, у якім спалучаюцца сны і рэальнасць. Варта глядзець, каб памятаць пра тое, на якую прыгажосць здольны творца. Каб натхняцца і не губляць надзею на лепшае.
ЯШЧЭ «ТАРШЭР»
Што рабіць, калі шлюб пераўтвараецца ў сумесную пакуту? Чым заварожвае першы трылер у рускай літаратуры? Як зазірнуць у дзённікі беларускага...
Чытаць далей
Што мы даведаемся пра гістарычныя падзеі, калі будзем даследаваць іх па непрыфарбаваных гісторыях людзей? Як жанчыны змагаюцца за сваё месца...
Чытаць далей
Палітычная сатыра, беларускія «пасхалкі» ў відэагульні пра Ведзьмара і крыніца такога часам патрэбнага гумару. Таршэр — гэта прастора, дзе пад...
Чытаць далей
