Нядзеля, 1 кастрычніка 2023
No Result
View All Result
MOST Media
  • Галоўная
  • Навіны
  • Гісторыі
  • Гайды
  • Афіша
  • Бізнес
  • ПАДТРЫМАЙ!
  • Пра нас
    • Чытачу і рэкламадаўцу
    • Палітыка выкарыстання Cookies (EU)
    • Правілы выкарыстання матэрыялаў
No Result
View All Result
  • Галоўная
  • Навіны
  • Гісторыі
  • Гайды
  • Афіша
  • Бізнес
  • ПАДТРЫМАЙ!
  • Пра нас
    • Чытачу і рэкламадаўцу
    • Палітыка выкарыстання Cookies (EU)
    • Правілы выкарыстання матэрыялаў
No Result
View All Result
MOST Media
No Result
View All Result
Галоўная Гісторыі

Будуць крычаць Зіме «Ухадзі!». Беларускія дзеці ў Беластоку рыхтуюцца гукаць вясну

MOST MOST
25 студзеня 2022, 10:12
Гісторыі
A A
Будуць крычаць Зіме «Ухадзі!». Беларускія дзеці ў Беластоку рыхтуюцца гукаць вясну

Так выглядаў калядны выступ дзяцей са Школкі беларускіх традыцый. Фота: Fundacja Białoruś 2020

Для тых, хто нядаўна прыехаў у Польшчу з дзецьмі, адна з галоўных праблем — як дапамагчы сыну або дачцэ знайсці новых сяброў, але не страціць сувязь з роднай культурай. Нядзельная школа беларускіх традыцый стала месцам, дзе вырашаюцца адразу абодва пытанні.

Дапамога і дзецям, і бацькам

Школа працуе ў межах фонду «Беларусь 2020», якім кіруе Марына Ляшчэўская. Жанчына пераехала з сям’ёй ў Польшчу сем год таму. Калі пасля прэзідэнцкіх выбараў 2020 года ў Польшчу пачалі масава прыязджаць беларусы, Ляшчэўская разам з аднадумцамі дапамагалі бежанцам, але рабіць усё патрэбнае ад імя фізічнай асобы было складана. Таму ў сакавіку зарэгістравалі фонд, у якім адным з праектаў стала нядзельная школа.

— Мэта ў першую чаргу — каб дзеці выйшлі з кватэр ды пачалі кантактаваць з аднагодкамі. У нядзельнай школцы асвойваюць беларускую мову і традыцыі. На занятках дзеці, мае ў тым ліку, з задавальненнем спяваюць. Гэта так міла і вельмі здорава, што яны не забываюць мову, Беларусь, захоўваюць культуру.

У нядзельных заняткаў ёсць яшчэ адна задача:

— Дзякуючы школе бацькі таксама інтэгруюцца паміж сабой. Пакуль дзеткі займаліся, мы з бацькамі дзве гадзіны гутарылі. Абмяркоўвалі праблемы, планы. Чым актыўней ты жывеш за мяжой, чым больш маеш кантактаў, тым прасцей. Людзі ратуюць.

Вярнулася да любімай справы

Выкладчыкам Нядзельнай школы беларускіх традыцый стала Юлія Собаль. Яна атрымала спецыяльнасць «Народнае харавое дырыжыраванне» ў Мінскім дзяржаўным музычным вучылішчы імя Глінкі. Чатыры гады працавала па размеркаванні ў Івянецкім доме культуры Валожынскага раёна, а пасля пераехала ў Мінск і не вярнулася ў прафесію:

— Пайшла працаваць, дзе толькі можна было зарабіць грошы, бо ў культуры плацілі надта мала. Цяпер, праз шмат гадоў, зноў вяртаюся ў прафесію. Я ў чужой краіне змагла займацца тым, што падабаецца і чаго не магла рабіць у сваёй краіне, бо там гэтая справа была няўдзячнай.

Жанчына з сям’ёй выехала з Беларусі ў 2021 годзе па палітычных прычынах, таму па сабе ведае, што перажываюць бежанцы:

— Калі прыязджаеш у іншую краіну, вельмі цяжка адаптавацца. Але тут шмат беларусаў, дзетак-беларусаў, і я магу даносіць да іх нашу культуру, нашы спевы і танцы. Гэта акрыляе. Мне гэта было патрэбна.

На занятках дзеці рыхтуюць выступ — інсцэніроўку, танец падэспань і песні.

— Вучым беларускія аўтэнтычныя песні, якія спявалі нашы бабулі і дзядулі. Адна з іх — з цыкла вясновых абрадавых песень:

«А сёння ў нас масленка-масленка, ай лялю рана масленка-масленка.
З-пад куста ластаўка-ластаўка, ай лялю рана ластаўка-ластаўка.
Сядзіць яна высока-высока, ай лялю рана высока-высока,
Глядзіць яна далёка-далёка, ай лялю рана далёка-далёка».

У абрадавай інсцэніроўцы галоўныя героі — Зіма і Вясна. Зіму будуць справаджваць і крычаць ёй «Ухадзі!», а Вясну — сустракаць, разам з гледачамі. Падрыхтаваны выступ дзеці пакажуць у сакавіку на святкаванні Масленіцы. Запланавалі таксама пікнік з блінамі і спальванне пудзіла.

Як дапамагчы або далучыцца

Удзельнікі ініцыятывы хацелі б развівацца, але тут ёсць пытанне:

— Шукаем спонсараў, таму што складана рабіць гэта на голым энтузіязме, — тлумачыць Марына Ляшчэўская. — Гэта ж невялікія грошы — аплата заробку выкладчыку, транспарт падчас выездаў, можа касцюмы. А эфект ад справы каласальны. Хацелі б развіць інтэграцыю і для дарослых — ладзіць экскурсіі, сустрэчы, каб яны таксама пачалі ўладкоўваць сваё жыццё. Я не займаюся сур’ёзнай рэкламай праекта, але на першыя заняткі новага цыкла прыйшло 20 дзяцей. Відавочна, што запатрабаванасць ёсць.

Юлія Собаль дадае, што ў групе цяпер дзеці ад 4 да 13 год і ўсе паміж сабой сябруюць. І па некаторых вельмі відаць, як моцна патрэбныя для іх заняткі:

— Адзін хлопчык прыехаў з бацькам па палітыцы. Спачатку быў закрыты, слова не выцягнеш, а цяпер ужо і песні спявае, і ў ноты трапляе, і з дзецьмі толькі так размаўляе.

Ахвотныя могуць далучыцца да школы ў любы з заняткаў. Сачыць за аб’явамі можна на старонцы фонду «Беларусь 2020» у Facebook.

Школа пачала працу ад верасня 2021 года. У першым цыкле заняткаў Нядзельнай школы беларускіх традыцый дзеці рыхтавалі каляднае выступленне. Яго паказалі бацькам 9 студзеня.

Тэгі: АртыкулыГалоўнае

ГАЛОЎНЫЯ НАВІНЫ

испанский ресторан в Белостоке

«Собирай вещи, ты едешь учиться в Испанию». Беларусы рассказали, как открывали ресторан испанской кухни в Белостоке

Руслан Кулевіч
29 верасня 2023, 17:46

Дмитрий и Алла мечтали о своём ресторане ещё в Беларуси, но открыли его в Польше. В 2016 году семья беларусов из Бреста решила поменять свою жизнь и переехала...

ВНЖ в Польши

«Предпочитаю молчать». Спросили беларусов, будут ли они сообщать МВД о ВНЖ и гражданстве Польши

MOST
29 верасня 2023, 16:17

Согласно новой редакции Закона «О гражданстве», беларусы должны в трёхмесячный срок информировать беларусское государство о том, что у них есть гражданство или ВНЖ другой страны и даже карта...

образование в Польше

«Места к нестрогим профессорам разлетаются как горячие пирожки». Выпускницы беларусского и польского вузов сравнили своё образование

MOST
29 верасня 2023, 12:42

В ожидании очередных нововведений в высшем образовании беларусы всё чаще задумываются об учёбе за рубежом. Анна и Ольга (имя изменено) почти одновременно получили одну и ту же специальность — юридическую...

  • Галоўная
  • Навіны
  • Гісторыі
  • Гайды
  • Афіша
  • Бізнес
  • ПАДТРЫМАЙ!
  • Пра нас
Пры выкарыстанні зместу MOST прачытайце нашы Правілы выкарыстання матэрыялаў

Звяжыцеся з намі: most@mostmedia.io

© 2022 Mostmedia.io. Час будаваць масты

No Result
View All Result
  • Галоўная
  • Навіны
  • Гісторыі
  • Гайды
  • Афіша
  • Бізнес
  • ПАДТРЫМАЙ!
  • Пра нас
    • Чытачу і рэкламадаўцу
    • Палітыка выкарыстання Cookies (EU)
    • Правілы выкарыстання матэрыялаў

© 2022 Mostmedia.io. Час будаваць масты

Кіраваць згодай Cookies
Мы і нашы партнёры атрымліваем доступ і захоўваем інфармацыю на прыладзе і апрацоўваем асабістыя дадзеныя, такія як унікальныя ідэнтыфікатары і стандартную інфармацыю, якая адпраўляецца прыладай, альбо дадзеныя прагляду, каб выбраць і прафіляваць персаналізаваны змест і рэкламу, вымераць змест і рэкламную эфектыўнасць, а таксама распрацоўка і ўдасканаленне прадукцыі. Са згоды карыстальніка мы і нашы партнёры можам выкарыстоўваць дакладныя дадзеныя геалакацыі і ідэнтыфікацыю шляхам сканавання прылад. Націскаючы «Прыняць», вы пагаджаецеся на апрацоўванне звестак намі і нашымі партнёрамі, як апісана вышэй. Перш як пагадзіцца ці адмовіцца, вы можаце атрымаць больш падрабязную інфармацыю і змяніць наладкі. Для некаторых відаў апрацоўвання звестак не патрэбная вашая згода, але вы маеце права не пагадзіцца. Параметры не будуць распаўсюджвацца на іншыя сайты, што маюць глабальны альбо сэрвісны дазвол.
Функцыянал Always active
Тэхнічнае сховішча або доступ строга неабходныя з законнай мэтай забеспячэння магчымасці выкарыстання пэўнай паслугі, відавочна запытанай падпісчыкам або карыстальнікам, або з адзінай мэтай ажыццяўлення перадачы паведамленняў па сетцы электронных камунікацый.
Preferences
The technical storage or access is necessary for the legitimate purpose of storing preferences that are not requested by the subscriber or user.
Статыстыка
Тэхнічнае сховішча або доступ, якія выкарыстоўваюцца выключна ў статыстычных мэтах. The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Маркетынг
Тэхнічнае сховішча або доступ, неабходныя для стварэння профіляў карыстальнікаў для адпраўкі рэкламы або для адсочвання карыстальніка на вэб-сайце або на некалькіх вэб-сайтах у аналагічных маркетынгавых мэтах.
Manage options Manage services Manage vendors Read more about these purposes
Налады
{title} {title} {title}
Are you sure want to unlock this post?
Unlock left : 0
Are you sure want to cancel subscription?