У Міжнародны дзень роднай мовы дырэктарка дзіцячага садка з беларускай мовай навучання дзякуе за падтрымку і заклікае падаваць заявы тых, хто хоча вучыць дзяцей у гэтай установе.
Люцыя Неміровіч пракаментавала рашэнне прэзідэнта Беластока Тадэвуша Трускаляскага не аб’ядноўваць садок з пачатковай школай №4:
— Мы вельмі цешымся, што засталіся самастойнай установай. Хочам вучыць дзяцей па-беларуску, развівацца ў гэтым, працаваць з тым, з чым і працавалі. Самае важнае — захаваць такую магчымасць, каб дзеткі маглі вучыцца па-беларуску.
Бацькі дашкольнікаў, якія хацелі б навучаць дзяцей менавіта ў садку №14, могуць падаваць заявы ад 24 лютага:
— Запрашаем усіх дзетак, каторыя хочуць вучыцца і знаходзіцца ў нашым прадшколлі. Прычым запрашаем палякаў, бо наш садок з польскай і беларускай мовамі навучання.
Выхаванцаў садка чакаюць разнастайныя пазнавальныя праграмы:
— Мы маем шмат праектаў і на беларускай, і на польскай мовах.
Для дзетак, якія не ведаюць польскую, ладзім заняткі польскай мовы, што вельмі патрэбна тым, хто прыязджае з Беларусі.
У нас ёсць і іншыя дадатковыя заняткі — па пластыцы, матэматыцы, пра прыроду. Ёсць дзіцячы калектыў «Вясёлка», дзе дзеці спяваюць беларускія песні і выступаюць на сцэнах у Беластоку і наогул Падляскім ваяводстве. Сардэчна ўсіх запрашаем!
У Дзень роднай мовы ў садку спяваюць песні, дэкламуюць вершы, гуляюць з дзеткамі. Хаця і кажуць, што сёння тут навучанне адбываецца так, як і ў любы звычайны дзень.
— Калі прыйшла сёння на працу, адразу пачула беларускія спевы, — падзялілася дырэктарка садка.
Чытайце таксама
Беларускі садок №14 знаходзіцца ў Беластоку, ён працуе з 1995 года. Беларуская мова там — не дадатковая мова выкладання, а...
Чытаць далейDetails
Спрэчкі вакол аб’яднання беларускага садка і школы з беларускамоўным навучаннем у Беластоку разгортваюцца апошнія тыдні. Гарадскія ўлады маюць намер стварыць...
Чытаць далейDetails
Дзіцячы садок і школу з беларускай мовай навучання ў Беластоку не будуць аб'ядноўваць. 16 лютага пра гэта паведамілі мясцовыя ўлады...
Чытаць далейDetails
